my5
Sevimli

“XALQARO MEDIA-XOLL”: Demokratik saylovning xolis ko`zgusi

Jamiyat 25.10.2021, 16:35
“XALQARO MEDIA-XOLL”: Demokratik  saylovning xolis ko`zgusi

2021 yil 24 oktyabrda Mamlakatimiz tarixidagi muhim siyosiy voqea –O`zbekiston Prezidenti saylovi bo`lib o`tdi. 

Dunyo tajribasidan yaxshi ma`lumki, saylovlarning shaffof, adolatli va xolisona o`tkazilishi avvalo demokratik qadriyatlarning ustuvorligi, ommaviy axborot vositalarining erkin faoliyati bilan bevosita bog`liq.

Bu borada keyingi yillarda qabul qilingan bir qator qonunlar va qarorlar, farmon va farmoyishlar milliy medianing har taraflama taraqqiy etishida katta ahamiyat kasb etada. 

Joriy yilning 2 aprel kuni O`zbekiston Elektron ommaviy axborot vositalari milliy assosiasiyasi  tashabbusi bilan mamlakatimizda amalga oshirilayotgan islohotlar jarayonini xalqimizga va xalqaro jamoatchilikka tezkor, xolis va haqqoniy tarzda etkazilishiga ko`maklashish maqsadida 60 ta loyihani o`z ichiga olgan “Yangi O`zbekiston. Yangi nigoh” media-dasturi qabul qilingan edi. 

Mazkur media-dastur doirasida O`zbekiston Respublikasi Prezidenti saylovi jarayonlari haqida xalqimiz va jahon hamjamiyatini muntazam ravishda, tezkor va xolisona xabardor qilib borish maqsadida  “Xalqaro Media Hall” tashkil etildi. 

–Media-xolda mahalliy  va xalqaro ommaviy  axborot vositalari  uchun turli brifinglar, matbuot anjumanlari o`tkazish, siyosiy partiyalar, davlat va jamoat tashkilotlari, xalqaro kuzatuvchilar bilan uchrashuvlar tashkil qilish, intervyular olish, turli ko`rsatuvlar, mediamahsulotlar suratga olish uchun  barcha sharoitlar yaratildi, – deydi O`zbekiston Elektron ommaviy axborot vositalari milliy assosiasiyasi boshqaruvi raisi Firdavs Abduxoliqov. – Bu erda mamlakatimizdagi siyosiy partiyalarning dasturlari taqdimoti, tegishli vazirlik va idoralar, ekspertlar ishtirokida yurtimizda so`nggi yillarda iqtisodiy, ijtimoiy-siyosiy, madaniy-ma`rifiy sohalarda amalga oshirilgan ishlar bo`yicha muloqotlar, dolzarb mavzudagi bahs-munozaralar, yosh jurnalistlar va blogerlar ishtirokidagi turli brifinglar, mahorat darslari, qiziqarli tanlovlar, jami qirqdan ortiq tadbirlar o`tkazildi. 

2021 yilning 14 oktyabr kuni “Yoshlar ijod saroyi”da “Xalqaro media-xoll”ning ochilish marosimi bo`lib o`tdi. Tadbirda deputat va senatorlar, mutasaddi vazirlik va idoralar, siyosiy partiyalar, diplomatik korpus, mahalliy va xorijiy ommaviy axborot vositalarivakillari, blogerlar, faol yoshlar ishtirok etdi. 

18 oktyabrdan 22 oktyabrga qadar bu erda mamlakatimizdagi beshta siyosiy partiya – O`zbekiston Ekologik partiyasi, O`zbekiston Xalq demokratik patiyasi, tadbirkorlar va ishbilarmonlar harakati – O`zbekiston liberal-demokratik partiyasi, “Milliy tiklanish” demokratik partiyasi va “Adolat” sosial-demokratik partiyasi vakillari ishtirokida saylovoldi tashviqoti natijalariga bag`ishlagan brifinglar o`tkazildi. Ta`kidlash joizki, mazkur brifinglarda saylovoldi dasturlarini targ`ib etish, partiyalarning targ`ibot vositalarini namoyish qilish va tarqatish, ommaviy axborot vositalarida chiqishlar qilish uchun teng shart-sharoitlar yaratildi. 

Shuningdek, Media-xolda tegishli vazirlik va idoralar, davlat, nodavlat va xalqaro tashkilotlar bilan hamkorlikda kambag`allikni qisqartirish, ijtimoiy ko`makka muhtoj aholi qatlami bilan ishlash, xotin-qizlar bandligini ta`minlash, mahalla tizimi va nodavlat-notijorat tashkilotlarning jamiyatdagi faol ishtiroki singari masalalarda ham davra suhbatlari tashkil etildi. 

2021 yil 22 oktyabr kuni soat 18.00 da “Xalqaro media xoll”da aholi, xususan yoshlarning saylov to`g`risidagi bilim va ko`nikmalarini boyitishga qaratilgan  “Saylov – 2021” videoroliklar tanlovi g`olib va sovrindorlarini taqdirlash marosimi o`tkazildi. 

Mazkur tanlov O`zbekiston Respublikasi Markaziy saylov komissiyasi, Markaziy saylov komissiyasining matbuot markazi, O`zbekiston milliy teleradiokompaniyasi, O`zbekiston elektron ommaviy axborot vositalari milliy assosiasiyasi, “Yuksalish” umummilliy harakati, Xalqaro press-klub hamda “UzReport-TV” telekanali hamkorligida tashkil etilgan. 

Tanlov  shu yilning 21 sentyabr kuni  e`lon qilingan. Tanlov yakuniga adar 160 ga yaqin turli yo`nalishdagi videoroliklar kelib tushgan. Ikkinchi bosqichda hay`at a`zolari tomonidan 15 ta videoroliksaralangan. Yakuniy bosqichda final g`oliblari onlayn rejimda aniqlab olindi. 

23 oktyabr – “Sukunat kuni” ham bir qator qiziqarli suhbatlar, taqdimotlar bilan o`tdi. Jumladan, «Markaziy Osiyoda yaxshi qo`shnichilik munosabatlarini o`rnatish, O`zbekistonning pragmatik tashqi siyosati» ekspertlik platformasi o`tkazildi. 

Mazkur ekspertlik platformasida Markaziy Osiyoda so`nggi yillarda ro`y berayotgan o`zgarishlar, qo`shni mamlakatlar o`rtasidagi strategik sheriklik munosabatlari va bunda O`zbekistonning ishtiroki atroflicha muhokama qilindi. 

Anjumanda so`zga chiqqan O`zbekiston elektron ommaviy axborot vositalari milliy assosiasiyasi bosh direktori Jaloliddin Safoev, tashqi ishlar vazirining o`rinbosari Furqat Siddiqov, Markaziy Osiyo xalqaro instituti direktori o`rinbosari Baxtiyor Mustafoev O`zbekistonning qo`shni mamlakatlar bilan hamkorlik aloqalari tobora kengayib borayotgani, bu esa, mintaqadagi tinchlik, xavfsizlik va hamkorlik rivojida muhim o`rin tutishini ta`kidladilar.

Media-xolda har kuni muntazam ravishda turli mamlakatlar va halqarot tashkilotlardan tashrif buyurgan kuzatuvchilar bilan uchrashuvlar o`tkazilmoqda. Media-xoll faoliyati davomida xalqaro kuzatuvchilarning saylov jarayonlari haqidagi fikrlarini o`rganish va tahlil qilishga alohida e`tibor qaratilyapti. 

–Men 2015 yilda O`zbekistonda o`tkazilgan Prezident saylovida ham ishtirok etganman, – deydi Yaponiyaning “Sekai Nippo” gazetasi ijodiy muharriri Susumi Fujixashi.  – U paytda O`zbekistonda ommaviy axborot vositalari faoliyati bir muncha cheklangan edi. Oxirgi besh yilda vaziyat butunlay boshqa tomonga o`zgarganini ko`rdim. So`z  erkinligi, ommaviy axborot vositalarini liberallashtirishda ancha yuqori ko`rsatkichlarga erishilgani jurnalist sifatida meni ham quvontiradi”.

“Xalqaro media-xol” tadbirlarida 200 nafardan ortiq iqtidorli, faol yoshlar, ijodkor talabalar, yosh mutaxassislar ishtirok etdi. Ular uchun taniqli yosh rahbarlar, ijodkorlar, siyosatchilar ishtirokidagi motivasion uchrashuvlar, viktorinalar juda qiziqarli kechdi. “Zakovat” intellektual tanlovida turli oliy o`quv yurtlarining bilimdonlar jamoalari o`z kuch va bilimlarini namoyish qilishdi. 

Shuningdek, “Xalqaro media-xoll” kun tartibidan   konsertlar, film taqdimotlari, qator madaniy dasturlar   ham o`rin olgan. O`zbekiston Respublikasi Kinematografiya agentligi bilan hamkorlikda so`nggi yillarda suratga olingan “Tutqunlik”, “Meros”, “Bir kunlik to`y”, “Ozod qushlar”, “Dunyoning bir chekkasida” nomli filmlar tomoshabinlar hukmiga havola qilindi. 

O`zbekiston Respublikasi Prezidentining 2021 yil 19 iyundagi farmoniga asosan, 1968-1997 yillar mobaaynida o`tkazib kelingan  Osiyo, Afrika va Lotin Amerikasi mamlakatlarining Toshkent kinofestivali joriy yilning 28 sentyabr -3 oktyabr kunlari “Ipak yo`li durdonasi” nomi bilan o`n uchinchi bor o`tkazilgan edi. 

“Xalqaro media-xoll”da ushbu kinofestival yakunlariga bag`ishlangan onlayn konferensiya bo`lib o`tdi.

Ma`lumki, davlatimiz rahbarining BMT Bosh assambleiyasi 75-sessiyasida ilgari surgan bir qator tashabbuslari ichida xalqimiz madaniyati va tarixini ommalashtirishga qaratilgan madaniy forum o`tkazish taklifi xalqaro hamjamiyat, xususan YuNESKO tomonidan qizg`in qo`llab-quvvatlandi.

Prezidentimizning mazkur tashabbusi asosida joriy yil sentyabr oyida  Xiva shahrida “Markaziy Osiyo sivilizasiyalar chorrahasida” madaniy forumi bo`lib o`tdi. Ushbu madaniy forum doirasida Toshkent shahrida O`zbekiston Madaniy merosini o`rganish, saqlash va ommalashtirish bo`yicha Butunjahon jamiyatining V Kongresi, Xivada   “Markaziy Osiyo dunyo sivilizasiyalari chorrahasida”, “Markaziy osiyo – Evropa Ittifoqi”mavzusidagi xalqaro anjumanlar, Nukus shahrida YuNESKO bilan hamkorlikda  Arxeologiya va turizm mavzusidagi xalqaro konferensiya, Ikkinchilik Xalqaro baxshichilik san`ati festivali  o`tkazildi. 

Joriy yilning 13-21 sentyabr kunlari o`tkazilgan  madaniy meros haftaligi o`nga yaqin uchrashuv va konferensiyalar,  14 ta ko`rgazma, 15 ta taqdimot, yangi filmlar namoyishlari,tarixiy obidalar, madaniy maskanlarga sayohatlar, badiiy dasturlarni o`z ichiga oldi. 

Media-xollda 22 oktyabr kuni o`tkazilgan “O`zbekiston madaniy merosi – butun insoniyyat xazinasidir” mavzusidagi davra suhbatida dunyoning o`ndan ortiq mamlakatidan sharqshunos olimlar ishtirok etdi. 

Mazkur tadbirda bir qator mamlakatlarning yurtimizdagi elchixonalari, xorijiyy taashkilotlar vakillariga, mahalliyy va xorijiy olimlarga “O`zbekiston madaniy merosi – jahon to`plamlarida” kitob-albomining yangi jildlari topshirildi. 

O`zbekiston Respublikasi mustaqilligining 30 yilligi munosabati bilan buyuk britaniyalik mashhur yozuvchi vva jurnalist Fred Xarrisonning “Yuksalayotgan O`zbekiston: merosi, qahramonlari va erishayotgan yutuqlari” kitobining ham taqdimoti o`tkazildi. Ushbu kitobda so`nggi yillarda mamlakatimizda turli sohalarda erishilgan yutuqlar xorijiy ekspertlar nuqtai nazaridan baholanadi. 

“Bu kitobni yaratish jarayonida O`zbekistonning turli hududlarida, ko`plab insonlar bilan uchrashdim, O`zbekistonni o`zim uchun yanada chuqurroq kashf etdim, – deydi Fred Xarrison. – Bu kitobni yaratish menga juda katta sharaf va mas`uliyat yukladi. Kelgusida O`zbekistonni o`rganishda davom etaman. Bu erdagi o`zgarishlaar menga ham kuch va ilhom baxsh etadi”. 

 “Xalqaro media-xol” 2021 yilning 26 oktyariga qadar o`z faoliyatini davom ettiradi. Bu erda xalqaro kuzatuvchilar ishtirokida saylov yakunlari xususida muloqotlar o`tkazilmoqda. 

       Mazkur media-dastur doirasida O`zbekiston Respublikasi Prezidenti saylovi jarayonlari haqida xalqimiz va jahon hamjamiyatini muntazam ravishda, tezkor va xolisona xabardor qilib borish maqsadida 

 

Шарҳлар