Sevimli

Ikki nafar o`zbekistonlik dzyudochi jahon chempioni bo`ldi

Sport 31.10.2021, 14:09
Ikki nafar o`zbekistonlik dzyudochi jahon chempioni bo`ldi

Bundan bir muddat avval dzyudo bo`yicha O`zbekiston terma jamoasi harbiylar o`rtasidagi Jahon chempionatida ishtirok etish uchun Fransiya poytaxti Parij shahriga jo`nab ketishgandi.

Shu kunlarda jahonning eng kuchli harbiy dzyudochilari chempionlik uchun kurash olib borishmoqda. Kecha start olgan musobaqaning dastlabki kunidayoq ikki nafar o`zbekistonik jahonda tengsiz ekanligini isbotladi.

Xususan, -52 kg vazn toifasida O`zbekiston sharafini himoya qilgan kadetlar o`rtasida jahon chempioni Diyora Keldiyorova endi harbiylar o`rtasida ham jahon chempioniga aylandi.

Turizm va sport vazirligining qayd etishicha, u to`g`ridan-to`g`ri yarim finaldan bahslariga qo`shilgan. Bu bosqichda fransiyalik Cheenne Munierni, finalda esa yana bir mezbonlar vakilasi Julie Veyll Dit Moreyni mag`lubiyatga uchratgan.

Erkaklar o`rtasidagi musobaqaning -60 kg vazn toifasidagi bellashuvlarida tatamiga chiqqan Dilshodbek Baratov esa avstriyalik Daniel Leutgeb, eronlik Muhammad Hoseyn, finalda esa fransiyalik Jolan Florimontdan ustun kelib shohsupaning eng yuqori pog`onasiga ko`tarilgan.

Eslatib o`tamiz,  40-marotaba tashkil etilayotgan mazkur musobaqa 4 noyabrgacha davom etadi.

Шарҳлар