sevimli
Sevimli

Yunusoboddagi masjidda rus yigit islom dinini qabul qilgan vaqtda janjal ko`tarildi

Jamiyat 27.11.2021, 18:53
Yunusoboddagi masjidda rus yigit islom dinini qabul qilgan vaqtda janjal ko`tarildi

Toshkent shahar IIBB ijtimoiy tarmoqlarda tarqalgan Yunusobod tumanidagi masjidda janjal ko`tarishga uringan erkak videosi bo`yicha ma`lumot berdi.

Ijtimoiy tarmoqlarda poytaxtning Yunusobod tumanida joylashgan masjidlarning birida juma namozi davomida islom dinini qabul qilgan yigit videosi tarqaldi. Yigit so`zga chiqqan vaqtda bir erkak holatga norozilik bildirgani tasvirlangan.

Ma`lum qilinishicha, 26 noyabr kuni o`tkazilgan juma namozi davomida imom-xatib bir yigit islom dinini qabul qilib, musulmon bo`lmoqchi ekanini ma`lum qilgan. So`ng yigitga so`z berilgan va u jamoaga rus tilida murojaat qilgan. Ko`pchilik uning so`zlarini to`g`ri tushungan, ammo bir erkak holatga norozilik bildirishni boshlagan. Masjid jamoasi uni ko`chaga olib chiqqan.

Aniqlanishicha, ushbu shaxs 41 yoshli A. bo`lib, ixtisoslashtirilgan tibbiyot muassasasida hisobda turadi. Keyinchalik u tibbiyot muassasasiga davolanish uchun joylashtirilgan.

Шарҳлар