sevimli
Sevimli

O`zbekiston va Sherobod tumanlarida er sotish bilan bog`liq firibgarlik holatlari aniqlandi

Jinoyat 02.12.2021, 10:27
O`zbekiston va Sherobod tumanlarida  er sotish bilan bog`liq firibgarlik holatlari aniqlandi

Bu haqda Iqtisodiy jinoyatlarga qarshi kurashish departamenti xabar berdi. 

Bosh prokuratura huzuridagi Departament, DXX hamda IIBning O`zbekiston tumani bo`limlari tomonidan o`tkazilgan tezkor tadbirda, fuqarolar M.M. va Sh.U.lar oldindan til biriktirib, fuqaro K.ning ishonchiga kirib, unga 7 600 AQSh dollari evaziga “So`x-Oqtepa” irrigasiya tizimiga qarashli 60 sotix er maydonida issiqxona faoliyatini tashkil etish uchun rasmiylashtirib berishga kelishib, oldindan 5 000 AQSh dollarini olgan vaqtida ashyoviy dalillar bilan ushlanganlar.

Xuddi shunday, Departamentning Sherobod tuman bo`limi tomonidan o`tkazilgan tergovga qadar tekshiruvda, “Ch.Q.” fermer xo`jaligi rahbari E.E. fuqaro B.ga o`zi rahbarlik qilib kelayotgan xo`jalikka tegishli bo`lgan 1050 gektar yaylov hamda 50 sotix suvli er maydonini 96 mln so`mga tanishlari orqali uy-joy qurish uchun hujjatlarni rasmiylashtirib berishga kelishib, shundan firibgarlik yo`li bilan qo`lga kiritgan 83 mln so`m hisobidan 2 mln so`mini qaytarganligi holati prosessual tartibda rasmiylashtirib olingan.

Mazkur holatlar yuzasidan Jinoyat kodeksining 168-moddasi (firibgarlik) va 28,211-moddasi (pora berish) bilan jinoyat ishlari qo`zg`atilib, tergov harakatlari o`tkazilmoqda.

Шарҳлар