my5

Kamqonlikka davo parhezlar

Salomatlik 14.12.2016, 14:43
Теглар: Salomatlik, Ayol, SUGDIYONA
5714
Kamqonlikka davo parhezlar

Aslida, kamqonlikning sabablari ko`p. Lekin surunkali qon yo`qotishdan so`ng kelib chiqadigan kamqonlik ayollarda ko`p uchraydi. Masalan, homila tushganda, hayz ko`rish cho`zilib ketsa, tug`ruqda, bachadon va tuxumdon kasalliklari tufayli qon ketishi, ko`pincha, anemiyaga olib keladi. Shuningdek, tug`ruqlar oralig`idagi interval yaqinligi, ayniqsa, homiladorlikda organizmning temir moddasiga to`yinmasligi kabilar kamqonlikka olib keladi. Ushbu xastalikni parhezshunos mutaxassislar tavsiya etgan taomlar bartaraf etishi mumkin. Bunday eguliklarning ayrimlari haqida bilib olganingiz ma`qul.

Tovuq go`shti va sabzavotli salat

Qaynatib pishirilgan tovuq go`shtining yumshoq terisiz joylari olinadi. Bodringni somoncha shaklida, pomidorni halqa qilib, oshko`klarni esa mayda to`g`raladi. Tayyor mahsulotlar yaxshilab aralashtirilgach, ustidan biroz qaymoq quyiladi. Bu salat oqsil, yog` va uglevodlarga boyligi uchun ham kamqonlikda shifodir.

Qaynatilgan qovoq

To`q sariq rangli, ta`mi shirin qovoq suvda qaynatiladi. Pishgach, olib sovutish, so`ng mayda to`rtburchak qilib to`g`rash lozim. Ustidan shakar sepib, biroz qaymoq quyiladi va taomdan avval iste`mol qilinadi.

Suzmali salat

Tozalab yuvilgan oshko`klar – shivit, kashnich, rayhon, rediskani mayda to`g`rang, bodringni parraklang. Masalliqlarning barini suzmaga aralashtiring. Ustidan tuz va murch sepib, dasturxonga torting.

Lavlagili darmondori

Lavlagini suvda qaynatib, yumshagach, po`stidan tozalang. To`rtburchak to`g`rang-u, idishga soling. Bir-ikki osh qoshiq qaymoq yoki shuncha miqdorda o`simlik yog`idan qo`shib, aralashtiring. Bu xushxo`r salat qonni ko`paytirish xususiyatiga  ega.

Na`matakli damlama

Quritilgan na`matak mevalaridan 1 osh qoshig`ini 1 stakan suvga soling va past olovda o`n daqiqa qaynating. Yarim soatcha damlab qo`yasiz. So`ng ovqatdan avval ichib turishingiz kerak. Ushbu damlama tarkibida S vitamini miqdori juda ko`p bo`lib, oziq-ovqatlardagi temirning organizmda o`zlashtirilishiga yordam beradi.

Turshak ivitmasi

O`rikning quritilgan (turshak)i kamqonlikni davolovchi bebaho ozuqa sanaladi. Bir hovuch turshakni 1 litr qaynoq suvda ivitgach, suvini kun davomida ichib yursangiz, bardam va tetik bo`lasiz.

Va yana...

Suvda qaynatilgan behini iste`mol qilish, qirg`ichdan o`tkazilgan sabzi va turp sharbatini oz-ozdan ichib turish ham kamqonlikda davo bo`ladi. Shuningdek, olmada temir moddasi serobligi bois uni eyish va sharbatidan ichib turish foydalidir.

G. JAMILOVA tayyorladi.

Шарҳлар

Navoiylik ayolning uyiga kelgan mehmonlardan biri boshqasini pichoqladi

13.12.2019, 10:00

Joriy yilning 5 dekabr kuni soat 13:00larda Navoiy shahrida yashovchi, 1974 yilda tug`ilgan L.A. ismli ayolning uyiga tanishlari mehmonga keladi.Ulardan biri 1972 yilda tug`ilgan D.K....
Oqqo`rg`onda mehmonga kelgan ayol mast holda mezbonni pichoqlab o`ldirdi

12.12.2019, 16:01

Toshkent viloyatining Oqqo`rg`on tumanida mudhish voqea ro`y berdi, deya xabar berdi “Postda”Shu tumanda yashovchi fuqaro M.R. tanishi D.X.ni o`z uyiga taklif qiladi. Ulfatchilik avjiga chiqqan bir paytda...
Surxondaryo chegarasida tadbirkor ayol bojxona xodimini urdi

03.12.2019, 11:22

Bojxona xodimiga ayol kishi tomonidan qarshilik ko`rsatish holati aniqlandi. Bu haqda “darakchi.uz”ga Bosh prokuratura Matbuot xizmati ma`lum qildi.Aniqlanishicha, Surxondaryo viloyati, Sariosiyo tumanidagi "Chumchuqlijar" chegara bojxona...
Navoiyda 27 yoshli tadbirkor ayol erini pichoq bilan bir necha marta urib o`ldirdi

02.12.2019, 11:05

Navoiy viloyatida er va xotinning urishi erkakning o`limi bilan yakun topdi. Bu haqda “darakchi.uz”ga Bosh prokuratura Matbuot xizmati ma`lum qildi.Aniqlanishicha, 2019 yil 30 noyabr kuni...