Xonanda va aktyor Anvar Sobirovning o`g`li Abbosbek Sobirov Italiyaning Barletta shahrida o`tkazilgan Citta di Barletta yosh fortepianochilar xalqaro tanlovida ikkinchi o`rin g`olibi deb topildi.
“Bugun Italiyaning Barletta shahrida o`tkazilgan yosh fortepianochilar xalqaro tanlovida o`g`lim 2-o`rinni egalladi”,—deb yozadi Anvar Sobirov.
Xonandaning ma`lum qilishicha, ushbu xalqaro tanlovda 19 ta davlat vakillari ishtirok etgan. Tanlovda birinchi o`rin Xitoy, ikkinchi o`rin O`zbekiston, uchinchi o`rin Janubiy Koreya , 4-o`rin Rossiya vakillariga nasib etgan.
