Xitoyning Shenyan shahridagi yo`lda harakat qilayotgan avtomobillardan birining videoregistratori olovli yomg`irning yog`ishini videoga oldi, deb xabar berdi Tvzvezda.ru nashri.
Mazkur voqea payshanba kuni, mahalliy vaqt bilan soat 17:00 da ro`y berdi. Kadrda chaqmoq chaqayotgan paytda yo`lda harakatlanayotgan avtomobillar aks etgan. Birdan kuchli chaqmoq chaqib, olovli uchqunlar serqatnov yo`lga sachragan. Ammo chaqmoq elektr simga urilganmi yoki boshqa bir narsaga tekkanmi, olovli yomg`irning kelib chiqish sababi noma`lumligicha qolgan.
