my5

​O`zbekiston Prezidenti Turkiya Bosh vaziri o`rinbosarini qabul qildi

Jamiyat 26.05.2017, 09:30
Теглар: O`zbekiston, Turkiya, Shavkat Mirziyoev, Prezident
1787
​O`zbekiston Prezidenti Turkiya Bosh vaziri o`rinbosarini qabul qildi

O`zbekiston Respublikasi Prezidenti Shavkat Mirziyoev 25 may kuni Savdo-iqtisodiy hamkorlik bo`yicha hukumatlararo komissiyaning to`rtinchi majlisida ishtirok etish uchun mamlakatimizga tashrif buyurgan Turkiya Respublikasi Bosh vaziri o`rinbosari Yildirim Tug`rul Turkeshni qabul qildi.

Davlatimiz rahbari mehmonni qutlar ekan, siyosiy, savdo-iqtisodiy, investisiyaviy va madaniy-gumanitar sohalardagi o`zaro hamkorlik va muloqotlar faollashayotganini mamnuniyat bilan qayd etdi, deb yozadi O`zA.

Turkiya Prezidenti Rejep Tayyip Erdo`g`onning 2016 yil 17-18 noyabr kunlari Samarqand shahriga tashrifi chog`ida va joriy yil 14 may kuni Pekin shahrida o`tgan «Bir makon, bir yo`l» xalqaro forumi doirasida oliy darajadagi samarali uchrashuvlar mamlakatlarimiz o`rtasidagi keng ko`lamli va o`zaro manfaatli hamkorlikni yanada rivojlantirish uchun yuqori sur`at bag`ishlagani va yangi imkoniyatlar yaratgani ta`kidlandi.

Uchrashuvda O`zbekistonda to`qimachilik, charm, kimyo va farmasevtika sohalari, qurilish materiallari sanoati, qishloq xo`jaligi mahsulotlarini chuqur qayta ishlash va boshqa yo`nalishlarda, jumladan, “Urgut” erkin iqtisodiy zonasi doirasida yuqori texnologiyali zamonaviy korxonalarni tashkil etish bo`yicha aniq loyihalarni birgalikda amalga oshirish uchun Turkiyaning etakchi kompaniyalari bilan amaliy hamkorlikni kengaytirish masalalariga alohida e`tibor qaratildi.

Turizm sohasida o`zaro hamkorlik, xususan, zamonaviy sayyohlik ob`ektlari infratuzilmasini rivojlantirish, birgalikda sayyohlik mahsulotlarini taklif etish, sohada malakali kadrlar tayyorlash bo`yicha ulkan salohiyat mavjudligi ta`kidlandi.

Toshkentda O`zbekiston va Turkiya kompaniya hamda korxonalari ishtirokida bo`lib o`tgan Savdo-iqtisodiy hamkorlik bo`yicha hukumatlararo komissiyaning navbatdagi majlisi va Investisiya forumi natijalari, o`zaro sheriklikning istiqbolli yo`nalishlari va qariyb 2 milliard dollarlik hamkorlik loyihalari belgilangani mamnuniyat bilan qayd etildi.

Yildirim Tug`rul Turkesh Prezidentimiz Shavkat Mirziyoevga samimiy qabul uchun minnatdorlik bildirdi va Turkiya Prezidenti Rejep Tayyip Erdo`g`onning yuksak hurmati va ezgu tilaklarini etkazdi. Turkiya Bosh vaziri o`rinbosari Turkiya kompaniyalarining mamlakatimizda faoliyat yuritishi qo`llab-quvvatlanayotgani va yaratilgan qulay sharoitlar uchun Turkiya rahbariyati nomidan minnatdorlik bildirdi va keng ko`lamli o`zaro hamkorlikni yanada rivojlantirishga tayyor ekanini ta`kidladi.

Шарҳлар

O`zbekistonda koronavirus yuqtirganlar soni 66 mingga yaqinlashdi

27.10.2020, 23:17

2020 yil 27 oktyabr soat 23:00 holatiga ko`ra, O`zbekistonda koronavirus infeksiyasi qayd etilganlar soni 65 944 (+63) nafarni tashkil etmoqda.Yangi kasallanish holatlarining: 6 nafari Toshkent shahrida, 57...
Ertaga O`zbekistonga Volgabo`yidan sovuq antisiklon kiradi

27.10.2020, 22:56

Ertaga respublika shimoliga Rossiyaning Evropa qismi (Moskva oblasti)dan Volgabo`yi orqali sovuq antisiklon kira boshlaydi, deb xabar bermoqda O`zgidromet.Ertaga, 28 oktyabrda sovuq havo butun respublika hududiga...
O`zbekistonning qaysi davlatlar bilan tashqi savdo aylanmasi yuqori ekanligi ma`lum qilindi

27.10.2020, 20:38

O`zbekistonning qaysi davlatlar bilan tashqi savdo aylanmasi yuqori ekanligi ma`lum qilindi.Xitoy – 4,6 mlrd., eksport – 1,4 mlrd., import 3,2 mlrd. AQSh dollariRossiya – 4,1...
«Uylar arzonlashadi» – Shavkat Mirziyoev qurilish sohasidagi loyihalar bilan tanishdi

26.10.2020, 22:52

O`zbekiston prezidenti Shavkat Mirziyoev 26 oktyabr kuni qurilish sohasidagi loyihalar taqdimoti bilan tanishdi.Keyingi yillarda O`zbekistonda bunyodkorlik ko`lami kengaydi. Ayniqsa, ko`p qavatli uylar qurilib, aholining eng...