Qozog`iston Respublikasi parlamenti Senati Raisi Kasim-Jomart Tokaev boshchiligidagi delegasiya 25 sentyabr kuni Samarqand shahriga keldi.
Mehmonlarni Samarqand xalqaro aeroportida O`zbekiston Respublikasi Oliy Majlisi Qonunchilik palatasi Spikeri o`rinbosari B.Alixonov, Samarqand viloyat hokimi vazifasini bajaruvchi T.Jo`raev kutib oldi.
Qozog`iston parlamenti vakillari Samarqand bilan tanishuvni Hazrati Xizr majmuasi ziyoratidan boshladi. O`zbekiston Respublikasining Birinchi Prezidenti Islom Karimov qabriga gul qo`ydi, Buyuk Yo`lboshchimiz xotirasiga hurmat bajo keltirdi. Qur`on tilovat qilindi, deya xabar beradi O`zA.
Qozog`iston parlamenti Senati Raisi Islom Karimov O`zbekiston Respublikasi mustaqilligi uchun jasorat ko`rsatgan va mustaqillikni mustahkamlash, davlatni har tomonlama rivojlantirish uchun fidoyilik ko`rsatgan buyuk siyosatchi ekanini ta`kidladi. Islom Karimovning o`zbek va qozoq xalqlarining azaliy do`stlik rishtalarini mustahkamlash, davlatlarimiz o`rtasida barcha sohalarda hamkorlik aloqalarini yanada rivojlantirishdagi yuksak xizmatlari qayd etildi.
Mehmonlarga mazkur majmuaning bunyod etilishi va bu erda qisqa fursatda amalga oshirilgan ulkan bunyodkorlik va obodonlashtirish ishlari haqida so`zlab berildi.
Qozog`iston delegasiyasi a`zolari Imom Buxoriy ziyoratgohida bo`lib, yurtimizda buyuk ajdodlarimiz ma`naviy merosini asrab-avaylash, o`rganish, muqaddas islom dinining ma`rifiy g`oyalarini keng targ`ib etish borasida amalga oshirilayotgan ishlarga yuksak baho berdi.
Samarqand shahridagi Amir Temur maqbarasi, Registon majmuasi, Bibixonim masjidi va Siyob dehqon bozoriga tashrif ham Qozog`iston parlamenti Senati a`zolarida katta taassurot qoldirdi.
05.02.2020, 14:30
“Raqs san`ati sohasida yuqori malakali kadrlar tayyorlash tizimini tubdan takomillashtirish va ilmiy salohiyatni yanada rivojlantirish chora-tadbirlari to`g`risida” Prezident qarori (PQ–4585-son, 04.02.2020 y.) qabul qilindi...Qarorga muvofiq,...
07.01.2020, 08:35
Sport bo`yicha xorijning nufuzli nashrlaridan biri O`zbekistonni “Yilning eng yaxshi boks mamlakati” deya e`tirof etdi. Bu haqda Jismoniy tarbiya va sport vazirligi Matbuot xizmati xabar berdi.Angliyaning...
16.12.2019, 09:35
O`zbekistonlik fuqaro YTHga uchrab vafot etdi. Bu haqda TIV ma`lum qildiMamlakatimizning Qozog`istondagi Elchixonasi ma`lumotiga ko`ra, 2019 yil 13 dekabr kuni ertalab soat 9:30 atrofida, Qarag`anda...
13.12.2019, 08:50
Qozog`istonda 12 dekabr kuni O`zbekiston Respublikasi Oliy Majlisi Qonunchilik palatasi deputatligiga nomzodlarga muddatidan avval saylovlar boshlandi, deb xabar bermoqda Kazinform’ga tayannib O`zA.“Fuqarolarga imkon qadar qulay...
