my5
Sevimli

​O`FF VA BAA FUTBOL UYuShMASI O`RTASIDA HAMKORLIK MEMORANDUMI IMZOLANDI

Sport 02.10.2017, 11:34
Теглар: Futbol, O`zbekiston futbol federasiyasi, O`FF
​O`FF VA BAA FUTBOL UYuShMASI O`RTASIDA HAMKORLIK MEMORANDUMI IMZOLANDI

O`zbekiston Futbol Federasiyasi Prezidenti Umid Ahmadjonov bugun Dubayda Birlashgan Arab Amirliklari Futbol Uyushmasi vise-prezidenti Abdulla Nosir al-Junaybiy bilan uchrashdi.

Uchrashuv chog`ida tomonlar O`zbekiston va BAA futbolini yanada rivojlantirish uchun hamkorlik aloqalarini kuchaytirish, O`zbekiston Futbol Federasiyasi va Birlashgan Arab Amirliklari Futbol Uyushmalari o`rtasidagi do`stona aloqalarni mustahkamlash orqali o`zaro tajriba almashinuvini yo`lga qo`yish, shuningdek, ikki mamlakat yoshlari orasida futbolni yanada ommalashtirish uchun amalga oshirilishi kutilayotgan chora-tadbirlar to`g`risida suhbat olib bordilar.

Uchrashuv yakunida Umid Ahmadjonov va Abdulla Nosir al-Junaybiy O`FF va BAA Futbol Uyushmasi o`rtasidagi hamkorlik memorandumini imzoladilar.

Ushbu memorandum O`zbekiston va BAA terma jamoalari va klublariga turli yosh toifalarida o`rtoqlik o`yinlari va musobaqalar,o`quv-mashg`ulot yig`inlarini tashkil qilish va o`tkazish, ikki mamlakat terma jamoalarining murabbiylari o`rtasida tajriba almashinuvini yo`lga qo`yish, shuningdek, futbol, ayollar futboli, futzal,bolalar-o`smirlar futbol maktablarida faoliyat olib boradigan murabbiylarni o`qitish va malakasini oshirish, murabbiylar, hakamlar va sport medisinasi xodimlarini o`qitish va malaka oshirish kurslariga yuborish kabi katta imkoniyat eshiklarini ochib beradi.

Umid Ahmadjonov Abdulla Nosir al-Junaybiy bilan uchrashuvda BAA Futbol Uyushmasining xalqaro musobaqalarni tashkil qilish va o`tkazish tajribasini o`zlashtirish haqida gapirar ekan, 2018 va 2019 yilgi klublar o`rtasidagi jahon chempionati, 2019 yilgi Osiyo Kubogi tashkiliy qo`mitasiga bir guruh O`FF mutaxassislarini malaka oshirish uchun yuborish masalasini ham alohida muhokama qildi.

“O`zbekiston Futbol Federasiyasi kelajakda BAA kabi FIFA va OFK turnirlarini O`zbekistonda o`tkazishga tayyor bo`lishi uchun ham biz kadrlar tayyorlash dasturi doirasida ushbu masalaga jiddiy e`tibor qaratdik”, - deydi Umid Ahmadjonov O`FF matbuot xizmatiga. “O`FFda xalqaro tajribaga ega mutaxassislar bor, lekin biz FIFA va OFK tadbirlarini O`zbekistonga olib kelmoqchi ekanmiz, katta tajribaga ega mutaxassislarni tayyorlash birlamchi vazifaga aylanadi. Shuning uchun ham Osiyoning etakchi federasiyalari bilan o`zaro tajriba almashinuviga erishish oldimizdagi katta vazifalardan biri hisoblanadi”.

Memorandum, shu bilan bir vaqtda, O`zbekiston va BAA futbol ligalari doirasidagi o`yinlarga ikki mamlakat hakamlarini taklif qilish, xalqaro tadbirlarni tashkil etish va o`tkazishda O`FF va BAA Futbol Uyushmasi xodimlarining o`zaro tajriba almashishiga imkoniyat yaratib beradi.

Ta`kidlash kerakki, bu Umid Ahmadjonov O`FFga prezident etib saylanganidan beri xorijga amalga oshirgan ikkinchi safaridir. Bungacha Umid Ahmadjonov FIFA prezidenti Janni Infantino bilan uchrashib, O`zbekiston FIFAning xalqaro musobaqalari va tadbirlariga mezbonlik qilishga tayyor ekanligini ma`lum qilgan edi.

Шарҳлар

“Qayrat” jamoasi a`zolari joy olgan samolyot halokatga uchradi

22.10.2021, 14:47

Bortida Olmaotaning “Qayrat” klubi futbolchilari va murabbiylar shtabi bo`lgan samolyot halokatga uchradi. Bu haqda Vesti.kz xabar bermoqda.Qayd etilishicha, baxtsiz hodisa Olmaota xalqaro aeroportida ro`y bergan. FlyJet...
“PSJ” Mbapppe uchun qancha maosh berishi ochiqlandi

15.10.2021, 11:47

Fransiyaning “PSJ” klubi hujumchi Kilian Mbappe bilan yangi shartnoma imzolashdan umidvor.  AS xabar tarqatishicha, parijliklar Mbappega yiliga 50 million evro maosh berishga tayyor. O`z navbatida...
“Nyukasl” afsonasi tez orada klub tizimida ish boshlashi mumkin

13.10.2021, 19:09

“Nyukasl”ning sobiq hujumchisi Alan Shirer klubning xalqaro elchisi lavozimini egallashi kutilmoqda. Bu haqda taniqli insayder Nikola Skira ma`lumot berdi.  Saudiya Arabistoni investision jamg`armasi allaqachon 51...
Futbol: O`zbeksiton milliy terma jamoasi Srechko Katanes boshchiligidagi ilk uchrashuvini Shvesiyaga qarshi o`tkazadigan bo`ldi

14.08.2021, 18:17

O`zbeksiton  milliy terma jamoasi Srechko Katanes boshchiligidagi ilk uchrashuvini Shvesiyaga qarshi o`tkazadigan bo`ldi. Bu haqda Turizm va sport vazirligi xabar berdi.Ma`lum bo`lishicha, OFK kalendariga muvofiq,...