Sevimli

SAMARQANDDA PORA OLAYoTGAN OTM O`QITUVChILARI QO`LGA OLINDI

Jinoyat 17.10.2017, 16:33
SAMARQANDDA PORA OLAYoTGAN OTM O`QITUVChILARI QO`LGA OLINDI

Samarqandda bir necha nafar talabalar huquqni himoya qilish organlariga o`zlarining o`qituvchilari ustidan shikoyat arizasi yozishdi. Ularning so`zlariga ko`ra, bu o`qituvchilar ulardan o`qishga kirganlar ro`yxatining yuqorisidan joy olishgani uchun katta pul so`rashgan.

2,5 ming dollar – aynan shuncha pulni Samarqand qishloq xo`jaligi instituti o`qituvchilari Xasanboy Esonov va Sherqo`zi Azimov uch nafar abiturientdan talabalikka qabul qilinish uchun so`rashgan.

Talabalarning ta`kidlashlaricha, ular institutga o`zlarining bilimlari bilan o`qishga kirishgan, ulardan esa yuqorida nomlari qayd etilgan o`qituvchilar hamda Xolmurod Raximov va Kamoliddin Uroqovlar ko`rsatilgan yordamlari uchun pul talab qilishmoqda. Aks holda esa – talabalar safidan chetlatishlari bilan qo`rqitishmoqda.

Tezkor tadbirlar natijasida kafedra yordamchisi Xasanboy Esonov va dekan o`rinbosari Kamoliddin O`roqovlar 7 ming dollar pora olayotgan chog`larida qo`lga olindi.

“O`zbekiston 24” telekanali bu haqda lavha tayyorladi:


Шарҳлар