Му5
48

​O`ZBEKISTON FUTBOL FEDERASIYaSI QATAR FUTBOL UYuShMASI BILAN MEMORANDUM IMZOLADI

Sport 18.10.2017, 14:38
Теглар: Futbol, O`zbekiston futbol federasiyasi
2412
​O`ZBEKISTON FUTBOL FEDERASIYaSI QATAR FUTBOL UYuShMASI BILAN MEMORANDUM IMZOLADI

O`zbekiston Futbol Federasiyasi Prezidenti Umid Ahmadjonov Qatar Futbol Uyushmasining Prezidenti Shayx Hamad bin Xalifa Ahmad ol Taniyning taklifiga ko`ra Dohaga xizmat safari uyushtirib, Qatar futboli mansabdor shaxslari bilan uchrashdi.

Qatarda bo`lib o`tgan uchrashuv chog`ida tomonlar O`zbekiston va Qatar futbolini yanada rivojlantirish uchun hamkorlik aloqalarini kuchaytirish, O`zbekiston va Qatar federasiyalari o`rtasidagi o`zaro tajriba almashinuvini yo`lga qo`yib, uni rahbariyat va mansabdor shaxslar, shuningdek, texnikaviy masalalar bo`yicha ekspertlar, murabbiylar, hakamlar va futbolchilar orqali samarali yo`lga qo`yish kabi masalalarni muhokama qildi.

Uchrashuv yakunida Umid Ahmadjonov va Shayx Hamad bin Halifa O`zbekiston Futbol Federasiyasi va Qatar Futbol Uyushmasining hamkorlik to`g`risidagi memorandumini imzoladilar.

Ushbu memorandum ikki federasiyaning turli toifadagi jamoalariga o`quv-mashg`ulot yig`inlarini o`tkazish va musobaqalarda ishtirok etish, tegishli mutaxassis va ekspertlariga o`quv kurslari, seminar va konferensiyalarda ishtirok etish imkonini beradi. Bundan tashqari tomonlarsport inshootlarini qurish va ularni zamonaviy sport anjomlari bilan jihozlash hamda ikki mamlakat terma jamoalari o`rtasida o`rtoqlik uchrashuvlarini tashkil qilish bo`yicha ham hamjihatlikda ishlashga kelishib oldilar.

“Bu memorandum va kelishuvdan juda ko`p narsa kutyapman”, - deydi Umid Ahmadjonov O`FF matbuot xizmatiga. “Chunki, memorandum faqatgina futbol o`yinida ishtirok etadigan mutaxassislar bilan bog`liq emas. Bu kelishuv futbol boshqaruvida muhim ahamiyat kasb etadigan boshqaruv apparatiga ham bevosita taalluqlidir. Zero, ushbu memorandum O`zbekiston Futbol Federasiyasi xodimlariga menejment, marketing va reklama faoliyati, sport tibbiyoti, futbolda jismoniy tayyorgarlik va texnikaviy yo`nalishni aniqlab olish, ta`lim va tadqiqotlar kabi sohalarda Qatarda o`qish va malaka oshirish imkoniyatini yaratib beradi. Bu esa bizga kadrlar bilan bog`liq masalalarni ijobiy hal qilish imkonini beradi”.

Qatar safari Umid Ahmadjonovning O`FF prezidenti etib saylanganidan beri amalga oshirgan uchinchi xorijiy safaridir. Bunga qadar Umid Ahmadjonov FIFA prezidenti Janni Infantino va BAA futbol uyushmasi vise-prezidenti Abdulla Nosir al-Junaybiy bilan uchrashgan edi.

Шарҳлар

O`zbekistonlik futbolchi Italiya jamoasiga o`tadi

25.11.2019, 18:12

O`zbekistonlik yosh futbolchi, «Bunyodkor» yarimhimoyachisi Jasur Jaloliddinov legionerga aylanishi kutilmoqda. Bu haqda Klub matbuot xizmat xabar berdi.Keltirilishicha, Jasur Jaloliddinov Italiya «B» Ceriyasi ishtirokchisi «Benevento»ga o`tadi.«Yosh futbolchimizning harakatlari...
Futbol afsonasi Ronaldino Saudiyada ko`rinish berdi

22.11.2019, 20:18

21 noyabr kuni Saudiya Arabistonida “Motor Show-2019”avtomobillar ko`rgazmasi ochildi. Bu ko`rgazmada birinchi avtomobilni braziliyalik futbol yulduzi Ronaldino sotib oldi. Bu haqda arabnews.comga tayanib xabar qilindi.Barselonaning...
IIBB Falastin va O`zbekiston futbol o`yiniga tashrif buyuuruvchilarga murojaat qildi

19.11.2019, 15:33

19 noyabr kuni Jahon Chempionati-2022 saralash bosqichi doirasida “Paxtakor” stadionida Falastin va O`zbekiston terma jamoalari o`rtasida futbol o`yini bo`lib o`tadi. Uchrashuv 17.00 da boshlanadi.Toshkent shahar Ichki...
O`zbekistonda futbol yangi bosqichga olib chiqiladi

18.11.2019, 20:04

O`zbekiston Respublikasi Prezidentining “O`zbekistonda futbolni rivojlantirishni yangi bosqichga olib chiqish chora-tadbirlari to`g`risida”gi farmoni loyihasi muhokamaga qo`yildi. Bugun O`zbekiston Milliy olimpiya qo`mitasida mazkur farmonni takomillashtirish va uni...