20.02.2014 11:43
Kiev to`qnashuvlarida halok bo`lgan 28 kishi hotirasiga motam kuni e`lon qilindi
Shu kundan boshlab Kiev ko`chalarida norozilar va huquqni saqlash organi xodimlari orasida yana to`qnashuvlar yuz berdi.
IIBning bergan ma`lumotlariga ko`ra, to`qnashuv oqibatida 800 kishi jarohatlangan.
Ukraina sog`liqni saqlash vazirligidan xabar qilishlaricha, ushbu to`qnashuvlar oqibatida 28 kishi halok bo`lgan va 445 kishi shifokorlarga muroajaat qilgan.
Kievning markaziy ko`chalaridagi to`qnashuvlar oqibatida 18 fevral soat 10:00 dan 20 fevral 06:00 gacha tez yordam xizmatiga 445 kishi murojaat qilgan. Ulardan 287 nafari shifoxonaga yotkizilgan, - deyiladi vazirlik xabarida.
RIA axborot agentligining xabar qilishicha, shifoxonaga yuborilganlardan 88 nafari huquqni saqlash organi xodimlari, 6 nafari jurnalistlar, to`rt bola hamda ikki nafar chet el fuqarolaridir.
Ukraina Prezidenti Viktor Yanukovich 20 fevral, payshanbani halok bo`lganlar hotirasiga mamlakatda motam kuni deb e`lon qildi.
Prezident rasmiy saytida e`lon qilingan Farmonda ushbu kun Ukraina hududi bo`ylab Davlat bayrog`i tushiriladi, ko`ngilochar-konsert dasturlar, sport musobaqalar bekor qilinadi hamda tele va radio dasturlariga tegishli o`zgartirishlar kiritiladi.
