26.02.2014 11:31
Xizmat haqini bir trillionlik kupyura bilan to`lamoqchi bo`lgan amerikalik qo`lga olindi
AQShning Samter shahri restoranlarida xizmat ko`rsatuvchi ofinsiant bu kupyurani ko`rib, sarosimaga tushdi. Bu ham etmaganday mijoz plastik kartochka bilan to`lay olmagani uchun kechirim ham so`radi.
53 yoshli amerikalik Maykl Uilyams sevgilisi bilan tushlik qilgani restoranga tashrif buyuradi. Ovqatlanib bo`lgach Maykl ofisiantni o`z oldiga chaqirib, plastik kartochkasida pul qolmaganligi sababli naqd pul bilan to`lashini aytadi. Shundan so`ng u cho`ntagidan bir trillion dollarli kupyura chiqaradi.
Hayratga tushgan ofinsiant kassaga borishni hayoliga ham keltirmay polisiyaga qo`ng`iroq qiladi. Voqea joyiga etib kelgan polisiya xodimlariga Maykl “trillioner” ekanligini aytadi. Buning oqibatida polisiya uni qamoqqa oldi. Uni qalbaki pul uchun emas, hukumatga hurmatsizlikda ayblashdi.
