Му5
4

​MMA jangchisi Murod Xonto`raev yana pichoqlandi, hozirda uni ahvoli qanday (video)

Jamiyat 29.11.2018, 12:25
Теглар: Video
5585
​MMA jangchisi Murod Xonto`raev yana pichoqlandi, hozirda uni ahvoli qanday (video)

Ijtimoiy tarmoqlarda yakkakurash sport turining aralash turi bo`yicha jahon chempioni Murod Xonto`raevning yana pichoqlangani haqidagi xabarlar va video tarqaldi.

Bunga aniqlik kiritish maqsadida Ichki ishlar bosh boshqarmasi matbuot xizmati bilan bog`landik...

Sportchi “Toshkent” savdo markaziga tutashgan binoda pichoqlab ketilgan

— Sportchi 26 noyabr kuni taxminan soat 14.30 larda Toshkent shahridagi “Toshkent” savdo markazi (sobiq Turkuaz)ga tutashgan binoda pichoqlab ketilgan. Ayni vaqtda bu holat bo`yicha ichki ishlar organlari xodimlari tomonidan jinoyat ishi ochilgan, tergov harakatlari olib borilishi ustidan prokuratura nazorati o`rnatilgan. Ayni vaqtda sportchi Ibn Sino nomli shahar 1-son klinik shifoxonasiga joylashtirilgan. Sportchiga hujum qilgan shaxsning kimligi hali aniqlanganicha yo`q. Mazkur holat bo`yicha Jinoyat kodeksining 277-modda-si (Bezorilik) 2-qismi bo`yicha jinoyat ishi qo`zg`atilgan.

Sportchining ahvoli qandayligini bilish maqsadida Ibn Sino nomli shahar 1-son klinik shifoxonasiga yo`l oldik.

"Bemor olib kelinganda ahvoli o`rta og`ir edi"

Izzatilla HAKIMOV, Ibn Sino nomli shahar 1-son klinik shifoxonasi Xirurgiya bo`yicha mas`ul:

— Sportchi Murod Xonto`raev 26 noyabr kuni soat 15.00 lar atrofida ko`plab kesilib, sanchilgan jarohatlar bilan qabul bo`limiga olib kelindi. Jarohatlarning asosiy qismi qo`l, oyoq, kurak sohalarida. Bosh qismida ham jarohat bor edi. Bemor olib kelinganda ahvoli o`rta og`ir edi. Bemor darhol jarrohlik xonasiga yotqizildi. Mikroxirurglar bilan birgalikdagi jarrohlik ama-liyoti davomiyligi 1 soatdan oshdi. Jarohatlarga birlamchi jarrohlik ishlov berildi. Tanada chuqur kirgan jarohatlar yo`q. Shu bois jarrohlik amaliyoti mahalliy og`riqsizlantiruvchi va sedatasiya vositalar orqali amalga oshirildi. Bosh miya MSKT tekshiruvidan o`tkazilganda, jiddiy jarohatlar yo`qligi ma`lum bo`ldi. Biroq bosh miya chayqalish holati kuzatilgan. Hozirda ahvoli me`yorda, hushi o`zida.

Ma`lumot uchun: Murod Xonto`raev 1987 yilda Toshkent shahrida tug`ilgan. Sportchi Toshkent shahridagi G. V. Plexanov nomidagi Rossiya iqtisodiyot universiteti filialining 3-kurs talabasi.

Eslatib o`tamiz, 2018 yil iyun oyida ham Xonto`raev pichoqdan jarohatlanib, shifoxonaga yotqaziladi va kelasi kun Toshkent Ichki ishlar boshqarmasi sportchi va bir necha shaxsni «jamoat joyida nojo`ya harakat qilish» aybi bilan qo`lga oladi.

Jinoyat ishlari bo`yicha Yakkasaroy tuman sudi Xonto`raevga jinoyat kodeksining 62-moddasi asosida eng kam oylik ish xaqining 94 baravari miqdorida jarima tayinlangandi va kafolat xati, shuningdek, xulqi ustidan nazorat olib borilishi sharti bilan sud zalida qamoqdan ozod qilingandi.

Sadoqat ALLABERGANOVA

Шарҳлар

Qadimgi Misrda mumiyolangan kohin murdasi gapirtirildi (Video)

25.01.2020, 12:56

Bundan uch ming yil avval qadimgi Misrda mumiyolangan ruhoniydan g`alati ovoz chiqdi. Fir`avn Ramzes XI davrida yashagan Nesyamun kohinining ovozini London va York universitetlarining olimlari o`rgangan....
Endi Ozodbek Nazarbekov to`ylarda qo`shiq aytmaydimi? (Video)

23.01.2020, 16:09

Joriy yilning 22 yanvar kuni Oliy Majlis Qonunchilik palatasining barcha qo`mitalarida yangi hukumat a`zoligiga nomzodlar ko`rib chiqilgan va muhokama qilingandi. Muhokamalar yakuniga ko`ra O`zbekiston xalq...
Xalqaro Vestminster universitetida yong`in sodir bo`lgani rost(mi)? (Video)

22.01.2020, 16:26

Ijtimoiy tarmoqlarda Toshkent xalqaro Vestminster universitetida yong`in sodir bo`lgani aks etgan video tarqaldi. Toshkent shahar favqulodda vaziyatlar boshqarmasi navbatchilik qismiga kelib tushgan ma`lumotga ko`ra, 21 yanvar kuni soat...
Xitoyda aniqlangan noma`lum virus dunyo ahlini vahimaga solmoqda (Video)

22.01.2020, 15:18

Xitoydan chiqqan noma`lum virusdan kasallanganlar soni 400 kishidan ortdi. 9 kishi halok bo`ldi.Bu virusga qarshi dori o`ylab topilmadi, virus odamdan odamga o`tadi. Boks bo`yicha Olimpiadaga...