O`zbekiston sayyohlik sohasida Qashqadaryo viloyati uchun maxsus ishlab chiqilgan yangi sayt taqdim etildi, deya xabar bermoqda «O`zbekturizm» milliy kompaniyasi matbuot xizmati.
Sayt o`zining original dizayni va texnik jihatlari bilan ajralib turadi. Unda Qashqadaryo viloyatidagi tarixiy, madaniy va ma`moriy yodgorliklar bilan tanishish mumkin.
Shuningdek, saytdagi «Yangiliklar», «Go`zalliklar», «Hordiq», «Galereya», «Qiziqarli maqolalar» ruknlari mintaqa haqida turli ma`lumotlarni taqdim etadi.
