Andijon viloyat Ichki ishlar boshqarmasi matbuot xizmatining xabar qilishicha, Andijon viloyati ko`p tarmoqli tibbiyot markazida Andijon shahar hokimligi, Andijon shahar ichki ishlar organlari faoliyatini muvofiqlashtirish boshqarmasi, Gumbaz mahalla fuqarolar yig`ini imom xatibi, mahalla faollari, oqsoqollari hamda fuqarolar ishtirokida 2019 yilning 21 avgust kuni tibbiyot markazida fuqaro F.Azimov tomonidan sodir etilgan jinoyat muhokamasiga bag`ishlangan yig`ilish bo`lib o`tgan. Unda jinoyat va huquqbuzarliklarning oldini olish, hududlarda jinoyat sodir etilishi mumkin bo`lgan joylar hamda shaxslarni aniqlash, ular bilan profilaktik ogohlantiruv tadbirlarini olib borish va nazoratni kuchaytirish mavzusida so`z borgan. Dastlab Andijon IIOFMB boshlig`i S.Usmanov holat yuzasidan so`zga chiqqan.
Ma`lum qilinishicha, 21 avgust kuni soatXonabod shahar Taraqqiyot kuchasida yashovchi Fayzullo Azimov tibbiyot markaziga onasi Inobat Axmedovani bel qismidagi grijasini davolatish maqsadida olib kelgan. Ortopediya bo`limi mudiri Bobur Shavkatov kutib turishlarini aytib, 3-4 soat mobaynida xabar olmagan. E`tiborsizlikdan g`azablangan Fayzullo B.Shavkatovni xizmat xonasiga kirib, 2017 yilda onasini operasiya qilib yurmay qolishiga sababchi bo`lgani, Toshkentlik shifokorlarni olib kelib davolatishga va`da berib, aldaganini aytgan hamda va`dasini bajarmasa o`zi bilan olib kelgan benzinni xonasiga sepib, yoqib yuborishini aytib qo`rqitgan. Shu erda bo`lgan shifokorlar va fuqarolar tomonidan F.Azimov to`xtatib qolingan. Ayni kunda unga nisbatan jinoyat ishi qo`zg`atilib, tergov harakatlari olib borilmoqda.
Shundan so`ng so`zga chiqqanlar jinoyat va huquqbuzarliklarni oldini olish borasida o`z fikr va mulohazalarini bildirishgan.
