10- oktyabr kuni Shahrisabz shahriga tashrif buyurgan Shvesariya fuqarosi Irina Klayn shu erda xizmat olib borayotgan Qashqadaryo viloyati Ichki ishlar boshqarmasi Xavfsiz turizmni ta`minlash boshqarmasi xodimlariga o`zi bilan turistik maqsadda kelgan farzandlari 2001-yilda tug`ilgan Kristina-Kseniya Klayn va 2007 -yilda tug`ilgan Valeriya Klaynlarni yo`qotib qo`yganligini, ularni topishda yordam berishlarini so`rab murojaat qilgan. Bu haqda Qashqadaryoning birinchi ahborot-tahliliy sayti "Nnews.uz"ning rasmiy telegram kanalida aytilmoqda.
Barcha xizmat olib borayotgan xodimlarga boshqarmada tashkil etilgan “call center” orqali qizlarning ismlari, tashqi ko`rinishlari va yoshlari to`g`risida aloqa vositalari orqali xabar berildi. Olib borilgan surishtiruvlar davomida,
Kristina Kseniya va Valeriya Klaynlar shu erdagi tarixiy yodgorliklarni ko`raman deb adashib qolishgani ma`lum bo`ldi. Qizlar onasining qo`llariga topshirildi.
“Men O`zbekistonda bunday tizimni tashkil qilinganidan, ayniqsa, Xavfsiz turizmni ta’minlash boshqarmasi xodimlaridan minnatdorman” dedi farzandlarini bag`riga bosar ekan, Irina Klayn.
