O`zbekiston Respublikasi Oliy Majlisi Senati Raisi Tanzila Narbaeva joriy yil 22-24 oktyabr kunlari Yaponiyaga tashrif buyuradi, deya xabar beradi Senat Axborot xizmati.
Tashrif doirasida Yaponiya parlamenti Maslahatchilar palatasi prezidenti A.Santo bilan muzokaralar hamda qator ikki tomonlama uchrashuvlar o`tkazilishi rejalashtirilgan.
O`zbekiston Respublikasi Oliy Majlisi Senati Raisi Yaponiyaning yangi Imperatori Naruxito taxtga o`tirishi munosabati bilan o`tkaziladigan tantanali marosimda ishtirok etadi.
