Му5
46

Jahon meva-sabzavot bozorida O`zbekistonning ulushi bir foizga ham etmaydi

Iqtisodiyot 05.11.2019, 20:20
319
Jahon meva-sabzavot bozorida O`zbekistonning ulushi bir foizga ham etmaydi

Jahon bozorida meva-sabzavot mahsulotlari savdosi 205 milliard dollarni tashkil etgan bir paytda, bizning ulushimiz bir foizga ham etmayapti.

Bu haqda bugun O`zbekiston Respublikasi Prezidenti Shavkat Mirziyoevning meva-sabzavotchilik tarmog`ini yanada rivojlantirish va eksportini oshirish, aholi tomorqalaridan samarali foydalanishni ta`minlash masalalariga bag`ishlangan videoselektor yig`ilishida qayd etildi.

Davlatimiz rahbari ta`kidlashicha, bunga erishish uchun ekin va navlarni to`g`ri tanlash, hosildorlik va daromadni kamida ikki-uch barobarga oshirish, isrofgarchiliklarni oldini olish, mahsulotlarni saqlash, logistika masalalari, eksportni to`g`ri tashkil etish lozim.

Qayd etilganidek, kelgusi yilda meva-sabzavot eksportini 2,5 milliard dollarga etkazish, keyingi uch yilda bu ko`rsatkichni 5 milliard dollarga etkazish imkoniyatlari mavjud. 

Bugungi kunda dunyo bozorlarida gilos, o`rik, olxo`ri, anor, uzum, bodom, sitrus mevalar kabi mahsulotlarga talab yuqori va ushbu mahsulotlar eksport tushumining asosiy qismini tashkil etmoqda.

O`zbekistonda bunday mevazorlar, ayniqsa intensiv usuldagi bog`lar etarlicha tashkil etilmayotgani, bog` va tokzorlar yaroqsiz holatga kelib qolgani sababli ularning iqtisodiy samaradorligi o`ta past darajada qolayotgani, qator tumanlarda minglab gektar eski bog`lar yillar davomida hosil bermayotgani tanqid qilindi. Hanuzgacha “mahsulot etishtirish – xarid qilish – saqlash va qayta ishlash – eksport” zanjirini tashkil etadigan kooperasiya tizimi joriy qilinmagan.

 

Шарҳлар