Payshanba kuni Amerika Qo`shma Shtatlari Al-Qoidaning Arabiston yarim orolidagi ikki yuqori martabali rahbari haqida ma`lumot bergan shaxsga 10 million dollargacha mukofot berilishini ma`lum qildi. Bu haqda AQSh Davlat departamenti xabar bergan.
Diplomatik xavfsizlik masalalari bo`yicha kotib yordamchisi Maykl Evanof Saad bin Atef al-Avlakiy to`g`risida berilgan ma`lumot uchun 6 million dollargacha va Ibrohim Ahmad Mahmud Al-Kosi haqidagi informasiya uchun 4 million dollargacha mukofot puli berilishini aytdi.
Bu ikki shaxs Amerika Qo`shma Shtatlariga qarshi hujumlarni qo`llab-quvvatlaganlikda ayblanmoqda.
