"O`zbekkino" Milliy agentligining xabar berishicha, Namangan viloyati Kosonsoy tumanida "Obod markaz" dasturi asosida tumanda bir qator ijtimoiy madaniy markazlar ochildi. Dastur tarkibida tumandagi yangi rekonstruksiya qilingan Sadriddin Ayniy nomli kinoteatrning ochilish marosimi bo`lib o`tdi.
Tadbirda taniqli kinoijodkorlar bilan ijodiy uchrashuv tashkil etildi.
Uchrashuvda o`zbek kino san`atining kechasi va buguni haqida gapirildi.
Yangi kinoteatrda kinomuxlislar uchun retro "Shum bola" filmi taqdim qilindi. Shu bilan birga yangi ishlangan kinokartinalardan Akbar Bekturdievning "Tinchlik ortida" badiiy filmi namoyish qilindi.
