my5
Sevimli

“Farg`ona viloyatiga – kitob karvoni” mashina​siga nega kartoshka ortilgan?

Jamiyat 14.11.2019, 18:54
Теглар: Kitob, Farg`ona, kartoshka
“Farg`ona viloyatiga – kitob karvoni” mashina​siga nega kartoshka ortilgan?

 

Ijtimoiy tarmoqlarda tarqalgan “Farg`ona viloyatiga – kitob karvoni” yozuvli avtomashinaning yukxonasiga kartoshka ortilgani aks etgan fotosuratga turli fikrlar bildirilmoqda. Farg`ona viloyati axborot va ommaviy kommunikasiyalar boshqarmasi bu holatga oydinlik kiritdi.

Boshqarmaning mas`ullari yuk avtomashinasi egasi, asli farg`onalik bo`lgan Ma`rufjonni topib, o`zidan xolis munosabat so`radi. Uning aytishicha, “kitoblar yilning may oyi oxirida shu mashinada olib kelingan, lekin surat noyabr oyi boshlarida olingan bo`lishi kerak”. “Nega besh oycha vaqt mashina bortida yozuv qoldirilgan?”degan savolga Ma`rufjon shunday izoh berdi:

– Iyun-oktyabr oylarida mashinamiz buzilganicha noyabrda tuzaldi. Ehtiyot qismlarni to`plash cho`zilib ketdi. Katta ro`zg`orimizni tebratib turgan mashina tuzalgach, ishga chiqish oldidan Farg`ona shahar markaziga yaqin joydagi yuk mashinalarini yuvish va tozalash joyiga olib bordim. O`sha joyga yaqin hududda bir hamkasb tanishimni uchratdim va mendan yordam so`radi. Yuki bilan mashinasi buzilgan ekan. Uning iltimosiga ko`ra, qoplangan kartoshkalarni vaqtinchalikka mening mashinamga yuklab turdik. Buni haydovchilar tilida “perekid” deyishadi. 1-2 soatga, xolos. Shu kuniyoq, tanishim mashinasini ta`mirlab qaytdi, yana kartoshkalar o`z joyiga qayta yuklandi. Bu orada mashinam avtoturargohdan hech qayoqqa chiqmagan. Qolaversa, u joy bozor hududi ham emas.

Uning aytishicha, o`sha kunning o`zida ta`mirdan chiqqan mashinasini yaxshilab tozalatib, yozuvlarni ham olib tashlagan.

– To`g`risi, internetdagi surat menga qattiq ta`sir qildi,– deydi Ma`rufjon.– “Kitob karvoni” loyihasida Farg`onaga yuz mingdan oshiq kitoblarni shu mashinada o`zim tashiganman. Buni televizorda ko`rsatishgan. Ana, haligacha internetdayam turibdi ekan. Voqeani bilmay turib, odamda noxolis fikr uyg`otadigan xabarni tarqatish g`iybatdan boshqa narsa emas. Buni oqlamayman.

Ma`rufjon so`zining oxirida birovlar sha`niga noo`rin gap-so`zni ko`paytirishdan ko`ra, odamlarga yordam berishni o`ylagan yaxshi, deb qo`shib qo`ydi. 

Шарҳлар

Farg`onada "pulni pul chaqiradi" degan korxona rahbari firibgarlar "o`lja"siga aylandi

07.03.2021, 12:53

2020 yilning iyul oyidan dekabr oyiga qadar bo`lgan vaqt oralig`ida 31 yoshli Husanjon T., Qo`qon shahrining turli hududlarida tanishi 38 yoshli Kamoliddin I.,ga bank tizimi...
Farg`onada “Lasetti-2” va “Matiz” avtomashinalari to`qnashuvi oqibatida ikki nafar ayol vafot etdi

25.02.2021, 18:10

2021 yil 23 fevral kuni fuqaro Q.Sh. “Lasetti-2” avtomashinasini Vodil-Farg`ona avtomobil yo`lining 7 km.da boshqarib ketayotib, o`zi bilan bir yo`nalishda harakatlanayotgan haydovchi S.I. boshqaruvidagi “Matiz”...
Farg`onada ayolning uyali telefon apparati va pullarini tortib olgan "shovvoz" qo`lga olindi

18.02.2021, 17:48

2021 yilning 08 fevral kuni Z.A. ismli ayol IIBga murojaat qilib, unda 31 yanvar kuni noma`lum shaxs Bozorboshi ko`chasida oldiga kelib, hayot yoki sog`liq uchun...
Farg`onada "damaschilar" va taksichilar o`rtasida ommaviy mushtlashuv bo`ldi. Jinoyat ishi qo`zg`atildi (video)

13.02.2021, 15:00

Ijtimoiy tarmoqlarda “Farg`onada damaschilar va taksichilar urishib ketdi” sarlavhali videolavha tarqalgan edi. Shundan so`ng mazkur holat yuzasidan Farg`ona viloyati IIB tomonidan tergovga kadar tekshiruv harakatlari o`tkazishga...