O`zbekistonning Aqtau shahridagi (Qozog`iston) Bosh konsulxonasi 2019 yil 20 noyabr kuni Samara-Chimkent yo`nalishi bo`ylab harakatlanayotgan va ichida 57 nafar odam, jumladan 55 ta O`zbekiston fuqarosi bo`lgan avtobus Aqtobe viloyati Xromtau tumani hududida texnik nosozlik tufayli to`xtab qolgani to`g`risida OAVda tarqalgan ma`lumotni tasdiqladi.
TIV Konsullik-huquqiy departamenti bergan ma`lumotga ko`ra, Favqulodda vaziyatlar bo`yicha viloyat departamenti yordamida hamyurtlarimiz issiq joyga evakuasiya qilindi. Ular orasida tibbiy yordamga muxtojlar mavjud emas. Sovuq ob-havoga qaramay avtobusda yoz uchun mo`ljallangan yonilg`idan foydalanilgani va u muzlab qolgani nosozlikka sabab bo`lgan. Ayni paytda ta`mirlash ishlari olib borilmoqda.
Bosh konsulxona vaziyatni nazoratga oldi va Qozog`istonning tegishli idoralari bilan doimiy aloqada bo`lib turibdi.
Shu bilan birga TIV Konsullik-huquqiy departamenti yana bir bor O`zbekiston fuqarolari e`tiborini avtobuslarda yoki avtomobil transportining boshqa turlarida qishgi vaqtda Qozog`istonga kirishda yoki uning hududidan o`tishda ehtimoliy xatarlarni hisobga olish va tegishli choralar ko`rish zarurligiga qaratadi.
Qozog`iston hududida bo`lib turgan O`zbekiston fuqarolari, jumladan tranzit bilan boshqa davlatga o`tayotgan yurtdoshlarimiz, zarur hollarda mamlakatimizning Nur-Sulton shahridagi Elchixonasiga (Nur-Sulton shahri, Aqmo`la, Shimoliy Qozog`iston, Pavlodar, Qostanay va Qarag`anda viloyatlari, tel.: +7-717-295-45-87, +7-777-218-20-10 (Telegram, Whatsapp, Imo); Aqtau shahridagi Bosh konsulxonaga (Aqto`be, Atirau, G`arbiy Qozog`iston va Mangistau viloyatlari, tel.: +7-29-277-71-17, +7-777-599-00-50, +7-777-599-00-51); Olmaota shahridagi Bosh konsulxonaga (Olmaota shahri, Chimkent shahri, Olmaota viloyati, Sharqiy Qozog`iston, Turkiston, Jambil va Qizilo`rda viloyatlari, tel.: +7-727-299-20-70, +7-727-390-26-16) murojaat qilishlari mumkinligini eslatib o`tamiz.
05.02.2020, 14:30
“Raqs san`ati sohasida yuqori malakali kadrlar tayyorlash tizimini tubdan takomillashtirish va ilmiy salohiyatni yanada rivojlantirish chora-tadbirlari to`g`risida” Prezident qarori (PQ–4585-son, 04.02.2020 y.) qabul qilindi...Qarorga muvofiq,...
07.01.2020, 08:35
Sport bo`yicha xorijning nufuzli nashrlaridan biri O`zbekistonni “Yilning eng yaxshi boks mamlakati” deya e`tirof etdi. Bu haqda Jismoniy tarbiya va sport vazirligi Matbuot xizmati xabar berdi.Angliyaning...
16.12.2019, 09:35
O`zbekistonlik fuqaro YTHga uchrab vafot etdi. Bu haqda TIV ma`lum qildiMamlakatimizning Qozog`istondagi Elchixonasi ma`lumotiga ko`ra, 2019 yil 13 dekabr kuni ertalab soat 9:30 atrofida, Qarag`anda...
13.12.2019, 08:50
Qozog`istonda 12 dekabr kuni O`zbekiston Respublikasi Oliy Majlisi Qonunchilik palatasi deputatligiga nomzodlarga muddatidan avval saylovlar boshlandi, deb xabar bermoqda Kazinform’ga tayannib O`zA.“Fuqarolarga imkon qadar qulay...
