Telegram asoschisi Pavel Durov 22 noyabr, juma kuni messenjer faoliyatida kuzatilgan muammolar tufayli foydalanuvchilaridan uzr so`radi. Bu haqda «Interfaks» xabar berdi.
«Juma kuni Grinvich vaqti bilan soat 13:00 dan 14:00 ga qadar onlayn bo`lgan foydalanuvchilarning 15 foizi Telegram’ga ulanishda muammoga duch kelgan. Muammo asosan Germaniya, Iroq, O`zbekiston, Rossiya, Ukraina, Qozog`iston av Belarus hududlaridagi foydalanuvchilarda kuzatilgan. Ushbu bir soat vaqt oralig`ida o`z egasiga etib bormagan har bir xabar uchun uzrimizni bildiramiz», - deb yozgan Durov o`z telegram kanalida.
Durov Telegram foydalanuvchilarining soni yildan yilga 50 foiz tezlik bilan ortib borayotganini ham qayd etdi.
«O`sishning bunday tezkor sur`ati ayrim muammolarni keltirib chiqarmoqda. Platformamizni maksimal darajada himoyalangan bo`lishini istaymiz. Garchi, messenjening barchaga birdek ekanini buzishga urinishlar bo`layotgan (iyun oyida Xitoydan turib DDoS-hujumi uyushtirilganini nazarda tutgan) bo`lsa ham, Telegram bu kabi muammolarga doim munosib qarshilik ko`rsatmoqda», - deyiladi xabarda.
So`nggi bor Telegram ishidagi bunday to`xtashlar 2019 yil iyun oyida kuzatilgandi. O`shanda messenjer DDoS-hujumiga uchragandi. Telegram’dan foydalanishdagi muammo Braziliya, AQSh va Evropadagi mijozlarga xizmat ko`rsatishda ham yuzaga kelgan. Durov messenjerdagi ushbu kamchiliklarni Gonkongdagi norozilik namoyishlariga aloqadorligini bildirgan. Uning so`zlariga ko`ra messenjerga Xitoyda ro`yxatdan o`tkazilgan IP-manzillar orqali hujum uyushtirilmoqda.
