Му5
4

Samolyot qulashi natijasida halok bo`lgan o`zbekistonliklarning dafn marosimi bo`lib o`tdi

Dunyo 08.12.2019, 17:57
Теглар: aviahalokat, marhum
1381
Samolyot qulashi natijasida halok bo`lgan o`zbekistonliklarning dafn marosimi bo`lib o`tdi

Avval xabar berganimizdek, Kanadada 27 noyabr kuni engil motorli shaxsiy samolyot qulashi natijasida asli o`zbekistonlik bo`lgan Otabek Obloqulov va Bobomurod Nabiev, shuningdek, ularning oila a`zolari (jami etti kishi) halok bo`lgan edi. Ular dam olish uchun Ontarioning Markxem shahridan Kvebek provinsiyasining Kvebek shahri tomon uchayotgan bo`lgan.

Otabek va Bobomurodning oilasi ularni Kanadada dafn qilishga qaror qilgan. Lekin Bobomurodning turmush o`rtog`ining ota-onasi yolg`iz qizini ona yurtiga olib ketib, dafn qilish niyatida. Shu sababli otasining tez orada Torontoga etib kelishi kutilmoqda.

6 dekabr, juma kuni Toronto yaqinidagi Skarboro shahridagi «Abu Bakr Siddiqiya» masjidida yuzlab o`zbekistonliklar va boshqa musulmonlar ishtirokida 7 marhumning janoza namozi o`qilgan. Unda qatnashish uchun o`zbekistonliklar Amerikaning Xyuston va Chikago kabi shaharlaridan ham etib kelgan.

Namozdan so`ng 6 ta tobut solingan avtomashinalar yuzdan ortiq kishi kuzatuvida 25 kilometr shimolda joylashgan Richmond Hill yaqinidagi musulmonlar qabristoniga olib borilgan.

Jasadlar olti kishi uchun qazilgan bitta qabrga dafn qilindi. Birinchi marhum Otabek Obloqulov qabrga qo`yilgan. Uning yoniga 15 va 5 yoshli o`g`illari, qizi va turmush o`rtog`i, undan keyin Bobomurod Nabievning jasadi qo`yilgan.

Qayd etilishicha, halokat noqulay ob-havo sababli yuz berganmi, texnik nosozlik sabablimi yoki inson omilidanmi — hozircha noma`lum. Buni aniqlash uchun samolyotning hamma bo`laklari Kanada aviasiya xavfsizlik kengashi tomonidan olib ketilgan.

Шарҳлар