13

Qozog`istonda O`zbekiston Oliy Majlisi deputatligi uchun ovoz berish boshlandi

Jamiyat 13.12.2019, 08:50
Теглар: O`zbekiston, Saylov, Qozog`iston
574
Qozog`istonda O`zbekiston Oliy Majlisi deputatligi uchun ovoz berish boshlandi

Qozog`istonda 12 dekabr kuni O`zbekiston Respublikasi Oliy Majlisi Qonunchilik palatasi deputatligiga nomzodlarga muddatidan avval saylovlar boshlandi, deb xabar bermoqda Kazinform’ga tayannib O`zA.
“Fuqarolarga imkon qadar qulay sharoit yaratish maqsadida O`zbekiston Respublikasining Nur-Sulton shahridagi elchixonasi tomonidan 12-18 dekabr kunlari oralig`ida Qozog`iston Respublikasi hududlarida muddatidan avval saylovlar tashkil etiladi”, - deyilgan xabarda.
Elchixonaning ma`lum qilishicha, joriy yil 12 dekabr kuni Qozog`iston Respublikasi Qarag`andi va Jambil viloyatlari hududida vaqtincha va doimiy yashaydigan O`zbekiston Respublikasi fuqarolari muddatidan avval ovoz berishni boshlagan.
Qarag`andidagi muddatidan avval saylovlar “Bolashaq” akademiyasi (Erubaev k., 16/6) binosida va Temirtau shahridagi QarDIU (Respublika shoh ko`chasi, 30) binosida o`tkazilmoqda. Taraz shahrida esa “Shaxbaz” MChJ binosida (X.Bekturg`anov, 10) saylov uchastkasi tashkil etilgan.
O`zbekiston Respublikasi elchixonasining ma`lum qilishicha, mahalliy vaqt bilan 16:00 da mazkur hududlarda 404 nafar o`zbekistonlik fuqarolar ovoz berishgan. Ertaga, 13 dekabr kuni Turkiston shahridagi Yassaviy nomidagi Xalqaro qozoq-turk universiteti binosida (B.Sattarxanov, 29) mahalliy vaqt bilan 09:00-13:00 oralig`ida muddatidan avval saylovlar uchastkasi tashkil qilinadi.
O`zbekiston Respublikasining Qozog`iston Respublikasidagi elchixonasi Qozog`istonga vaqtincha kelgan yoki doimiy tartibda istiqomat qiluvchi O`zbekiston Respublikasi fuqarolarini 2019 yil 22 dekabr kuni O`zbekiston Respublikasi elchixonasi binosida bo`lib o`tadigan saylovda ishtirok etishga chaqiradi. Manzili: Nur-Sulton shahri, Layli-Majnun ko`chasi, 7-uy.

Шарҳлар

O`zbekiston davlat xoreografiya akademiyasi tashkil etildi

05.02.2020, 14:30

“Raqs san`ati sohasida yuqori malakali kadrlar tayyorlash tizimini tubdan takomillashtirish va ilmiy salohiyatni yanada rivojlantirish chora-tadbirlari to`g`risida” Prezident qarori (PQ–4585-son, 04.02.2020 y.) qabul qilindi...Qarorga muvofiq,...
O`zbekiston “Yilning eng yaxshi boks mamlakati” deya e`tirof etildi

07.01.2020, 08:35

Sport bo`yicha xorijning nufuzli nashrlaridan biri O`zbekistonni “Yilning eng yaxshi boks mamlakati” deya e`tirof etdi. Bu haqda Jismoniy tarbiya va sport vazirligi Matbuot xizmati xabar berdi.Angliyaning...
Fotofakt: Samarqand va Farg`onada ba`zi saylov byulletenlari bekor qilindi

25.12.2019, 13:34

Markaziy saylov komissiyasi rasmiy kanalining ma`lumotlari ko`ra, Samarqand va Farg`ona viloyatlari saylov okruglarida ba`zi saylov byulletenlari Okruglar saylov komissiyalari va Saylov kodeksining tegishli moddalariga ko`ra...
Saylov-2019: Toshkent shahridagi 14 ta saylov okrugi deputatlari qayta saylanadi (video)

25.12.2019, 13:10

Tokent shahar  hokimligi Matbuot hizmatining xabar berishicha, bu yilgi saylovlarda Toshkent shahridagi 60 ta saylov okrugidan 46 tasida deputatlikka nomzodlar 50 % ortiq ovoz to`plab,...