Му5
8

Arxitektura-qurilish instituti qurilishga muhtojmi? Shov-shuv bo`lgan videoga rasmiylar izoh berdi (video)

Jamiyat 24.01.2020, 23:00
Теглар: Arxtektura qurilish, institut
528
Arxitektura-qurilish instituti qurilishga muhtojmi? Shov-shuv bo`lgan videoga rasmiylar izoh berdi (video)

2020 yil 24 yanvar kuni kunduzi er silkinishi oqibatida Arxitektura-qurilish institutining 3-qavatidagi 310–auditoriyasi shiftining 5 kv.metri ko`chib tushgan.

Bugun ijtimoiy tarmoqlarda institutda xona shifti o`yilib tushgan aks etgan video keng tarqaldi.  Ushbu videolavhaga nisbatan ijtimoiy tarmoq foydalanuvchilari tomonidan turli fikr-mulohazalar va izohlar qoldirildi. Bu voqea yuzasidan Qurilish vazirligi matbuot xizmati "Darakchi"ga rasmiy munosabat bildirdi. Unda jumladan shunday deyiladi:

"Videoda aks etgan o`quv xonasida 2019 yilning oktyabr oyidan beri dars mashg`ulotlari olib borilmaydi. Mazkur bino O`zbekiston Respublikasi Prezidentining PQ-4565-sonli qaroriga asosan kapital ta`mirlash manzilli dasturiga kiritilgan. Binodagi o`quv jarayonlarini Yunusobod tumanidagi Mashinasozlik kasb-hunar kolleji binosida davom ettirish ko`zda tutilmoqda.

Ma`lumot o`rnida, Toshkent shahar, Shayxontohur tumani, Paxtakor ko`chasi 3-uyda joylashgan ushbu bino 1950 yilda qurilgan. Kapital ta`mirga muhtoj mazkur binoning 3-qavatidagi 310–auditoriya shifti osilib qolganligi sababli 2019 yilning oktyabr oyidayoq yopib qo`yilgan. 

Mazkur holat yuzasidan O`zbekiston Respublikasi Qurilish vazirligi tomonidan Favqulodda vaziyatlar vazirligi va Oliy ta`lim vazirligi bilan hamkorlikda ishchi guruhi tuzildi. Mas`ullar voqea joyiga borib, vaziyatni o`rgangangan holda tegishli chora-tadbirlarni boshlab yuborishggan.

Шарҳлар