"Koronavirus bor-yo`qligini bilish maqsadida fuqarodan qon olgani uchun hamshira 36 ming so`m so`ragan. Hozirgi vaziyatda bu mumkinmi?" deb savol berildi onlayn brifing chog`ida SSV mutaxassislariga.
Ushbu savolga Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig`i, Respublika bosh davlat sanitariya inspektori Nurmat Otabekov onlayn o`tkazilgan birifingda javob berdi.
– Koronavirus infeksiyasi bor-yo`qligini tekshirish uchun qon namunasi olinmaydi. Buning uchun tomoqdan, yutumdan, balg`amdan surtma olinmoqda. Demak bu qon namunasi boshqa tahlil uchun olingan yoki noto`g`ri ma`lumot etkazilgan. Qon namunasi faqatgina bemor koronavirus kasalligidan forig` bo`lganidan keyin, hosil bo`lgan immun tizimini baholash maqsadida olinadi.
