Ronaldo, Messi va boshqalar koronavirusga qarshi kurashish uchun mablag` ajratdi. Bizda ham shunday tashabbuslar chiqadimi?

Dunyo 25.03.2020, 13:02
494
Ronaldo, Messi va boshqalar koronavirusga qarshi kurashish uchun mablag` ajratdi. Bizda ham shunday tashabbuslar chiqadimi?

Dunyoni larzaga keltirayotgan koronavirusdan insonlar  aziyat chekayotgan bir davrda mashhur va badavlat insonlar hayriya yo`llari bilan yordam qo`lini cho`zishmoqda. 

Masalan, "Yuventus» hujumchisi Krishtianu Ronaldu va uning agenti Jorje Mendesh koronavirus bilan xastalangan bemorlar uchun intensiv terapiyaning 2 ta bo`limini moliyalashtirishga qaror qilishdi.

Lissabon va Portu shaharlaridagi shifoxonalar umumiy hisobda 1 million funt sterling miqdorida yordam olishadi.

"Bavariya" futbolchilari mavsumning to`xtatilishi tufayli klub xodimlarini qo`llab-quvvatlashga qaror qilishdi. Futbolchilar maoshining 20 foizidan voz kechishga rozi bo`lgan.  Bu mablag`lar klubdagi boshqa xodimlarning ish haqini to`lab berishga sarflanadi.

"Barselona" sardori Lionel Messi koronavirusga qarshi kurashga qo`shildi. Argentinalik futbolchi koronavirusni o`rganayotgan Kataloniyadagi Hospital Clinic shifoxonasiga 1 million evro xayriya qildi.  Shuningdek, Messi Argentinadagi klinikalarga bir qator xayr-ehsonlarni amalga oshirdi.

Ishonchimiz komilki, bizning yurtimizda ham ana shunday  sahovatpeshsha insonlar ko`p. Bugungiay qiyin vaziyatda bir-birimizga mehr oqibatli bo`lishni unutmaylik.

Шарҳлар