Му5
13

300 mingta ekspress-test va 500 ta sun`iy nafas oldirish apparati xarid qilinadi

Jamiyat 26.03.2020, 21:54
Теглар: koronavirus, chora-tadbirlar
320
300 mingta ekspress-test va 500 ta sun`iy nafas oldirish apparati xarid qilinadi

Bugungi kunda mamlakatimizda Covid-19 infeksiyasiga qarshi jiddiy kurash olib borilmoqda. Bu borada amalga oshirilayotgan tezkor chora-tadbirlar haqida Prezident Shavkat Mirziyoev raisligida 26 mart kuni koronavirus infeksiyasi tarqalishiga qarshi kurashishni kuchaytirish masalalariga bag`ishlangan videoselektor yig`ilishida ma`lum qilindi.

Xususan Surxondaryo, Namangan va Navoiy viloyatlarida har biri ming kishilik modul kasalxonalar va karantin punktlarini jihozlash ishlari boshlandi.

Yig`ilishda aholini ijtimoiy va tibbiy muhofaza qilishni kuchaytirishga qaratilgan qo`shimcha chora-tadbirlar belgilandi.

Sog`liqni saqlash va moliya vazirliklariga 300 mingta ekspress-test va 500 ta sun`iy nafas oldirish apparati xarid qilish, xavf yuqori bo`lgan aholi punktlarida ko`chma laboratoriyalar tashkil etish vazifasi qo`yildi.

Shifokorlarimizga amaliy yordam berish va ularning malakasini oshirish uchun xorijiy mutaxassislarni jalb qilish, tibbiyot niqoblari ishlab chiqarishni kuniga 5 million donaga etkazish bo`yicha topshiriqlar berildi.

Шарҳлар