5-may kuni Boyovut tumani, "Laylakko`l" mahallasida fuqaro E.Sh chaqalog`ini fuqaro R.Gga 10.200 AQSh dollariga sotayotgan vaqtida Sirdaryo viloyati IIB T va EQKB hamda Boyovut tumani IIB xodimlari tomonidan qo`lga olingan. Bu haqda Sirdaryo viloyati IIB Axborot xizmati yozmoqda.
Voqea joyida gumonlanuvchidan 10.200 AQSh dollari miqdoridagi pullar ashyoviy dalil tariqasida olingan.
Mazkur holatga ko`ra fuqaro E.Shning harakatlarida O`zbekiston Respublikasi JKning 135-moddasi 3-qismi “a” bandida ko`rsatilgan jinoyat tarkibi mavjud bo`lib, unga nisbatan hozirda tergov harakatlari olib borilmoqda.
