Мазкур саволга АОКАда Коронавирусга қарши кураш штаби аъзоси Барно Абдусаматова иштирокида бўлиб ўтган брифингда жавоб қайтарилди.
— Коронавирус касаллигига чалинган беморларда бепуштлик ривожланиши исботланмаган,- дея жавоб қайтарди мутахассис.
Шунингдек, брифингда Ўзбекистонда касал аёллардан туғилган чақалоқларда короновирус инфекциясига текширув ўтказилиши масаласига ойдинлик киритилди.
Маълум қилинишича, янги туғилган чақалоқни короновирус инфекциясига текшируви туғилгандан сўнг 12-24 соат ўтгач амалга оширилади.
Натижаларни тасдиқлаш учун такрорий тест 24 соатдан кейин амалга оширилади.
Текширув учун биоматериал сифатида бурун-халқум ёки оғиз-халқумдан суртма олинади.
