Сурхондарёнинг Термиз шаҳрида Меҳрибонлик уйининг яқинидан қопга солиб, ташлаб кетилган чақалоқ топилган. Бу гўдакни Пост-патруль хизмати ходими кўриб қолади ва унга биринчи ёрдам кўрсатилади. Мазкур ҳодиса юзасидан Zamon.uz хабар берди.
Чақалоқ жорий йилнинг 27 сентябрь куни Термиз шаҳридаги 12-меҳрибонлик уйи остонасида қолдириб кетилган. Пост-патруль хизмати ходими чақирган "Тез ёрдам" гуруҳи чақалоқни вилоят перинатал марказига олиб кетгани айтилмоқда.
ППХ ходими Сарвар Қурбоновнинг сўзларига кўра, ҳозирча гўдакни ким ташлаб кетгани маълум эмас. Айни пайтда тезкор тергов гуруҳи суриштирув ишлари олиб бормоқда. Ҳолат бўйича жиноий иш қўзғатилган, дейилади хабарда. Видео:
