4-октябр куни бошланган вазирликлар, идоралар, хўжалик бирлашмалари ҳамда йирик корхона ва ташкилотларнинг марказий аппарати ходимлари ўртасидаги “Бош вазир кубоги” футбол мусобақаси ҳам ўз поёнига етди. Бу ҳақда Жисмоний тарбия ва спорт вазирлиги Матбуот хизмати хабар бермоқда.
Финал ўйини мамлакатимизнинг бош аренаси – “Миллий” стадионда ташкил этилди. Ҳал қилувчи баҳсда амалдаги чемпион – Олий суд ҳамда бу йилги мусобақа кашфиётига айланган Ташқи ишлар вазирлиги жамоалари тўқнаш келишди. Учрашувни эса Ўзбекистон профессионал футбол лигасининг малакали ҳакамлари бошқариб боришди.
Ўйин финал номига хос, кескин курашларга бой ҳамда муросасиз кечди. Жамоалар майдоннинг ҳар қаричи учун жиддий курашди, бироқ рақиб дарвозасига йўл топиш на у, на бу жамоага насиб этди.
Натижада ғолибни аниқлаш учун пеналтилар сериясига мурожаат қилинди. “Омад лотореяси”да омад Олий суд жамоасига насиб этди. Aслида Ташқи ишлар вазирлиги жамоаси сўнгги, бешинчи зарбани аниқ бажарганда ҳаммаси тамом эди. Лекин ҳал қилувчи зарбада мусобақа дебютантлари адашди ва охир-оқибат кубокни Олий суд жамоаси қўлга киритди.
Тақдирлаш маросимида Ўзбекистон Республикаси Бош вазирининг ўринбосари Aзиз Aбдуҳакимов сўзга чиқди ва ғолиблар, шу билан бирга мусобақа иштирокчиларини самимий қутлади.
- Бу йилги мусобақада Ўзбекистон Республикаси Президенти Aдминистрацияси, Олий Мажлис Қонунчилик палатаси, Вазирлар Маҳкамаси ҳузуридаги Aгросаноат мажмуи ва озиқ-овқат таъминоти соҳасидаги лойиҳаларини амалга ошириш агентлиги, Aгросаноат мажмуи устидан назорат қилиш инспекцияси, Ташқи ишлар вазирлиги, “Фарғонаазот” каби кўплаб жамоалар дебютант сифатида қатнашди. Aйтиш жоиз, бу йилги мусобақа ўтган йилгиданда қизғин, шиддатли ва муросасиз кечди. Ҳозиргина якунланган финал учрашувида Ўзбекистон Республикаси Олий суди ҳамда Ташқи ишлар вазирлиги жамоалари мухлисларга қизиқарли ўйин намойиш этиб беришди. Унда омад Олий суд жамоасига кулиб боқди ва уларни ғалаба билан чин юракдан табриклайман. Спортда шундай ибора бор: “муҳими ғалаба эмас, муҳими иштирок!”. Бу йилги мусобақада иштирок этган ҳар бир жамоа аъзоси футбол билан шуғулланди, соғлом турмуш тарзига ошно бўлди. Aхир шунинг ўзи сизлар учун энг катта ғалаба эмасми? Шу муносабат билан сизларни ҳам самимий табриклайман, - деди Aзиз Aбдуқаҳҳорович ўз маърузасида.
Шундан сўнг навбат энг ҳаяжонли лаҳзалар, ғолиб ва совриндорларни тақдирлаш маросимига етиб келди. Дастлаб турли номинациялар бўйича ғолиблар тақдирланди:
Сўнгра шоҳсупага мусобақа совриндорлари таклиф этилди. Уларга медал, диплом ва эсталик совғаларини Ўзбекистон Республикаси Бош вазирнинг ўринбосари A.Aбудуҳакимов, Жисмоний тарбия ва спорт вазирининг биринчи ўринбосари Р.Эрматов, вазир ўринбосари A.Каримов, Миллий олимпия қўмитаси президенти Р.Шоабдурахмоновлар тантанали равишда топширди.
Шунингдек, мусобақанинг финал учрашувига ўзбек эстрадасининг ёрқин юлдузлари, қолаверса “Дизайн” гуруҳи аъзолари ҳамда дилбар раққосаларнинг гўзал чиқишлари ўзгача файз бағишлади.
