Абу-Даби шаҳрида узоқ кутилган UFC 254 турнири ўз якунига етди.
Унда UFCнинг енгил вазндаги чемпиони Хабиб Нурмагомедов вақтинчалик чемпион Жастин Гэтжига қарши рингга кўтарилди.
Жангнинг иккинчи раундида Хабиб оёқлари билан Гэтжини қисиб олди ва навбатдаги ғалабасини қўлга киритди.
Жангдан сўнг Нурмагомедов фаолиятини якунлагани ҳақида эълон қилди.
"Мен онамга отамсиз бу сўнгги рингдаги жанггим бўлади, деб ваъда бергандим. Ваъдамни устида тураман ва бу менинг сўнгги жангим бўлади. Бундан кейин онамга кўпроқ вақт ажратишни хоҳлайман", – деди Ҳабиб жангдан сўнг.
