my5
Sevimli

Бугунгача сақланиб қолган Амир Темур боғи: У ҳамон мева беради (фотосаёҳат)

ЖАМИЯТ 26.10.2020, 00:47
Теглар: Фото
Бугунгача сақланиб қолган Амир Темур боғи: У ҳамон мева беради (фотосаёҳат)

Самарқанд шаҳри “Боғи баланд” маҳалласи намунавий типдаги туризм маҳалласига айлантирилган бўлиб, бу ерда Амир Темурдан қолган боғ жойлашган. Ушбу 40 гектарлик баҳаво анжирзор ҳар доим маҳаллий ва хорижий сайёҳларни қабул қилишга аллақачон тайёр. Самарқанд шаҳар ҳокимлиги ва Ахборот хизмати ҳамкорлигида ташкил этилган пресс-турда “Даракчи” газетаси мухбири ҳам мазкур маҳаллада бўлди.

Олимжон Абдусаломов, “Боғи баланд” МФЙ раиси:

— Амир Темур бобомизнинг Самарқандда 12 та боғлари бўлган. Шундан “Боғи баланд” маҳалласида жойлашган Анжирзор боғи ҳалигача сақланиб келинмоқда. Анжирзор боғига ташриф буюрган сайёҳлар анжир ейиш билан бирга уларни териш жараёнида ҳам қатнашишлари мумкин. Анжир бир йилда икки мартта ҳосил беришини ҳисобга олган ҳолда йилнинг июль ва сентябрь ойларида Анжир сайли ўтказиш ҳам белгилаб олинган.

Сайлда анжир ва ундан тайёрланган маҳсулотлар кўргазмаси ҳам ташкил этилади. Маҳалла аҳолиси анжир мевасини қуритиш, ундан турли мурабболар тайёрлаш билан ҳам шуғулланади. Туризм маҳалласи очилгач шундай хонадонларга сайёҳларнинг ташрифи уюштирилади. У ерда анжирдан тайёрланадиган маҳсулотларнинг тайёрланиш жараёнларини кузатиш ва уларни сотиб олиш имкони яратилади.

Айтганча, 0,5 литр анжир мураббосининг нархи хорижий сайёҳлар учун 10 АҚШ доллари, маҳаллий аҳоли учун эса 15 минг сўм. Самарқанд вилояти Туризмни ривожлантириш департаменти томонидан Амир Темир боғларининг майдони, хусусиятлари ва яратилиш тарихи билан боғлиқ интерфаол хариталар лойихаси тайёрланиб, боғнинг кириш қисмида жойлаштирилган. Келажакда сайёҳлар учун анжирзор бўйлаб от ва велосипедда сайр қилиш мумкин бўлади. Маҳаллада турли меҳмон уйлари, хизмат кўрсатиш масканларининг яратилиши эвазига янги иш ўринлари ташкил этилади. 

Дарахтларнинг ётиқ ўсганига сабаб қишга яқин дарахтлар уйқуга кетгач, боғбонлар барча анжирларни совуқ урмаслиги учун кўмиб қўйишади. Анжирларнинг асрлар давомида сақланиб қолганига ҳам айнан шу усул энг асосий сабаблардан саналади. 

Самарқандга келсангиз, албатта ушбу анжирзорга ҳам ташриф буюринг.

 

Сардорбек РАҲМОНҚУЛОВ 

 

Шарҳлар

Мандаринлар тўкилиб ётадиган шаҳар, куёвлар беллашуви сабаб яратилган муҳташам театр ёхуд "Гладиатор" қаҳрамонига айланиш сири. Бу маскан қаерда? (фотосаёҳат)

01.02.2021, 23:36

Аввал хабар қилганимиздек, Туркия маданият ва туризм вазирлиги томонидан ўзбекистонлик журналист ва блогерлар учун Истанбул, Анталия ва Каппадокия шаҳарларига «Пандемия шароитида туризм» лойиҳаси доирасида навбатдаги...
Анталия дунё сайёҳларининг севимли маскани. Чунки... (фотосаёҳат)

31.01.2021, 02:50

Аввал хабар қилганимиздек, Туркия маданият ва туризм вазирлиги томонидан ўзбекистонлик журналист ва блогерлар учун Истанбул, Анталия ва Каппадокия шаҳарларига «Пандемия шароитида туризм» лойиҳаси доирасида навбатдаги...
Бир кунда тўрт фасл... Ёхуд Каппадокия бағридаги водийлар афсонами ёки ҳақиқат? (фотосаёҳат)

29.01.2021, 02:07

Аввал хабар қилганимиздек, Туркия маданият ва туризм вазирлиги томонидан ўзбекистонлик журналист ва блогерлар учун Истанбул, Анталия ва Каппадокия шаҳарларига навбатдаги саёҳат уюштирилди. Айни пайтда биз...
Дунёда ягона 8 қаватдан иборат ер ости шаҳри қаерда? У ерга боришга ундовчи 5 сабаб (фото)

28.01.2021, 01:43

Аввал хабар қилганимиздек, Туркия маданият ва туризм вазирлиги томонидан ўзбекистонлик журналист ва блогерлар учун Истанбул, Анталия ва Каппадокия шаҳарларига навбатдаги саёҳат уюштирилди. Саёҳатимизнинг учинчи куни...
Кун мавзуси: коронавирус
Об-ҳаво: Ташкент
+24° ясно
Валюта курси
10473.07
USD -6.17
12426.30
EUR -28.28
135.81
RUB 0.76