COVID-19 билан касалланган одам симптомлар пайдо бўлишидан икки кун олдин ва касалликнинг биринчи кунида имкон қадар юқумли бўлиб, одам аломатлар пайдо бўлишидан уч-тўрт кун олдин юқумли касалликка йўлиққан бўлади, деди Роспотребнадзор Марказий илмий-тадқиқот эпидемиология институти клиник ва аналитик ишлар бўйича директор ўринбосари, профессор Наталья Пшеничная РИА Новости билан суҳбатда.
"Энг юқумли одам симптомлар пайдо бўлишидан икки кун олдин ва касалликнинг биринчи кунидир. Одамларга бемордан аломатлар пайдо бўлишидан уч-тўрт кун олдин (камдан-кам ҳолларда этти кун) ва касалликнинг дастлабки беш кунида юқади", деди Пшеничная.
Унинг таъкидлашича, инфекция асосан ҳаводаги томчилар орқали тарқалади, суҳбат давомида ҳар бир нафас чиқаришда 200 дан ортиқ вирус зарралари ажралиб чиқиши мумкин.
"Ниқоб кийиш касалликнинг олдини олишнинг энг самарали ва оддий усули ҳисобланади. Ниқоб туфайли касал одам вирус тарқатмайди. Шу билан бирга, бу вирус зарраларини нафас олишига йўл қўймайди", деб таъкидлайди Пшеничная.
