Бирлашган Араб Амирликларида яшовчи ватандошимиз Пўлатов Жавлон Бохронович янги www.ouruzbekistan.com электрон сайтини ишга туширди. Бу ҳақда Туризимни ривожлантириш қўмитаси маълум қилди.
Мазкур сайт орқали Ўзбекистоннинг бой туризм салоҳиятини араб давлатларида истиқомат қилувчи маҳаллий аҳоли орасида инглиз ва араб тилларида кенг тарғиб қилиш кўзда тутилган. Шунингдек, ушбу сайтда Ўзбекистоннинг табиати, маданияти, урф-одатлари ҳамда туризм салоҳияти ҳақида маълумотлар жойлаб борилади.
