Аввал хабар берганимиздек, Халқаро пресс-клубнинг "Пандемияга қарши курашда миллий тажриба" мавзусига бағишланган навбатдаги сессияси бўлиб ўтди.
Тошкент тиббиёт академияси ректори Алишер Шодмонов коронавирусга қарши қўлланилаётган дорилар хусусида гапирди.
«ЖССТ ва унинг Европа ҳудудий бюросига мурожаат қилганмиз. Президентимиз фармойишга асосан маблағ ажратиб берган. Биз ИВЛ, ПЦР аппаратлари ва дори сотиб олишимиз керак. Минг афсус, ўша пайтда ЖССТда ҳам исботланган ҳеч қандай усул йўқ эди. Шундан келиб чиқиб, қайси дори биринчи пайдо бўлган бўлса, АҚШ президенти биринчи бўлиб гидроксихлорохинни мақтаб чиқди, шу заҳоти буни сотиб олиш масаласи бошланди.
Дунёда самара берадиган дори илмий асоси йўқ эди. Орқасидан фавипиравир, нафақат сотиб олиб, нафақат захира яратилди, балки Ўзбекистонда ишлаб чиқариш бошланди. Орқасидан ремдисивир, энг қимматбаҳо дори. Оғир реанимациядаги беморларни шу орқали сақлаб қолдик», деди Шодмонов.
