Доналд Трампни ҳибсга олиш тўғрисида ордер ўтган йили эронлик генерал ва қудратли Ироқ милицияси раҳбарининг ўлдирилиши муносабати билан чиқарилган, дея маълум қилди Ироқ суди. Бу ҳақда Associated Press хабар бермоқда.
Суд қарори Бағдоднинг тергов суди судяси томонидан қабул қилинган бўлиб, генерал Қассим Солеймани ва Aбу Маҳди ал-Муҳандиснинг ўлимига сабаб бўлган Вашингтондан йўналтирилган учувчисиз самолётларни текширув ишлари якунлангач эълон қилинган. Эслатиб ўтамиз, Қассим Солеймани ва Aбу Маҳди ал-Муҳандис ўтган йилнинг январ ойида пойтахт аеропорти ташқарисида ўлдирилган эди.
Aл-Муҳандис "Исломий давлат" гуруҳига қарши курашиш учун тузилган бир қатор милиционерлар, шу жумладан Эрон томонидан қўллаб-қувватланадиган гуруҳлардан ташкил топган - давлат томонидан рўйхатга олинган Халқни сафарбар қилиш кучлари гуруҳи раҳбарининг ўринбосари эди.
Солеймани Эроннинг Инқилобий Гвардия Корпусининг экспедицион Қуддус кучларини бошқарувчиси бўлган.
Маълумотларга кўра, Трамп президентлиги якунланаётган пайтда эълон қилиган ҳибс ҳукми рамзий маънога эга.
