Шимолий Корея етакчиси Ким Чен Ин AҚШни КХДРнинг "энг катта душмани" деб атади ва Қўшма Штатларни ядровий салоҳиятини ривожлантиришда давом этиш орқали таҳдид қилаётганини таъкидлади. Бу ҳақда Шимолий Кореянинг расмий нашрлари хабар бермоқда.
Кимнинг қўшимча қилишича, Вашингтоннинг Пхенянга қарши сиёсати Оқ уйни ким бошқарганидан қатъи назар ўзгармайди, унинг душманлик позициясига барҳам бериш икки мамлакат ўртасидаги келажак муносабатларининг калити бўлади.
Ким Чен Ин бу сўзларни ҳозирги пайтда Пхенянда бўлиб ўтаётган ҳукмрон Ишчилар партиясининг саккизинчи съэздидаги ҳисобот пайтида айтди:
"Бизнинг ташқи сиёсий фаолиятимиз инқилобий ривожланишимизга қарши асосий тўсиқ ва энг катта душман бўлаётган AҚШни бостириш ва бўйсундиришга йўналтирилган бўлиши керак".
КХДР рахбари бугунга қадар AҚШ президенти Доналд Трамп билан учта учрашув ўтказди, аммо ядровий қуролсизлантириш бўйича музокаралар 2019 йилда Ханойда келишувсиз саммитидан кейин ҳам кутилган самарани бармади.
Ким Чен Ин саммитларга тўхталар экан, AҚШнинг душманлик сиёсати шимолнинг минтақадаги кескинликни камайтириш бўйича КХДР қилган кўплаб "ҳаракатлар" ва "максимал сабр-тоқатга" қарамай "ёмонлашган".
