Туркия президенти Ражаб Тоййиб Эрдўған Телеграмда рўйхатдан ўтди ва ўз каналини очди. Бу маълумотни Туркия Президенти матбуот хизматининг Twitter'даги расмий саҳифаси тасдиқламоқда.
Каналдаги биринчи хабарда президент шахсий блогини юрита бошлаганлигини баён қилган, иккинчи хабарда эса мушукнинг фонида турган Эрдўған фотоси жойлаштирилган.
"Мерҳаба (салом)", - дейди учинчиси. Янгиликлар нашр этилган пайтда каналга 50 мингдан ортиқ фойдаланувчилар обуна бўлишган.
Телеграм каналидан ташқари, Эрдўғаннинг Bip-да шахсий саҳифаси (Туркия мессенжери, Telegram вa WhatsApp-га ўхшаш) бор.
