Телеграм асосчиси Павел Дуров ўзининг шахсий блогига жойлаштирган сўнгги хабаридан кейин Телеграмга янги фойдаланувчиларнинг кириб келиши тезлашганини ёзди.
Дуровнинг ёзишича, иккита президент ҳам ўзининг шахсий Телеграм каналини очган:
Бразилия Президенти - @jairbolsonarobrasil
Туркия Президенти - @RTErdogan
Улар Телеграм платформасида мавжуд бўлган қуйидаги давлат раҳбарларининг рўйхатига қўшилди:
Мексика Президенти - @PresidenteAMLO
Франция Президенти - @emmanuelmacron
Сингапур Бош вазири - @leehsienloong
Украина Президенти - @V_Zelenskiy_official
Ўзбекистон Президенти - @shmirziyoyev
Тайван Президенти - @iingtw
Эфиопия Бош вазири - @AbiyAhmedAliofficial
Исроил Бош вазири - @bnetanyahu
Сиёсий раҳбарлар, шунингдек, кўплаб жамоат ташкилотларининг Телеграм-да ёлғон маълумотларга қарши курашиш ва ўз жамиятларидаги муҳим масалалар тўғрисида хабарларни тарқатишда бизнинг платформадан фойдаланаётгани биз учун шарафдир, дейди Павел.
Шунингдек, Maps&Data каналининг маълумотига кўра, энг кўп обуначиси бўлган Telegram-каналига эга давлат раҳбари Бразилия президенти Жаир Болсонару ҳисобланади. Унинг каналидаги обуначилар сони 263 минг нафарни ташкил этади. Ундан кейинги ўринда Туркия президенти Ражаб Тоййиб Эрдўғаннинг канали бўлиб, обуначилар сони 234 минг нафар. Ўзбекистон президенти Шавкат Мирзиёевнинг расмий Telegram-каналидаги обуначилар сони 193 минг нафар бўлиб, канал обуначилари сони бўйича учинчи ўринни эгаллаб турибди.