my5
Sevimli

ТИВ фуқароларни сохта ПЗР-тест маълумотномаларидан огоҳлантирди

САЛОМАТЛИК 18.01.2021, 20:43
ТИВ фуқароларни сохта ПЗР-тест маълумотномаларидан огоҳлантирди

Электрон оммавий ахборот воситаларида Ўзбекистон фуқароларининг чет эл мамлакатлари халқаро аеропортларига боришлари билан хорижда даволаниш учун касаллик тўғрисидаги сохта ҳужжатларни ҳамда коронавирусни аниқлаш учун ўтказилган ПЗР-тест манфий натижаси кўрсатилган қалбаки маълумотномаларни тақдим қилаётганликларига оид ҳолатлар ҳақидаги хабарлар тарқалмоқда.

Мазкур ҳолат ҳамюртларимизнинг хорижий мамлакат ҳудудига киритилмасликлари учун асос ҳисобланади. Шунингдек, қалбаки ҳужжатлар Ўзбекистоннинг дипломатик ваколатхоналари ва консуллик муассасалари томонидан ватандошларимизга консуллик-ҳуқуқий ёрдам кўрсатиш жараёнини ҳам қийинлаштирмоқда.

Шу муносабат билан Ташқи ишлар вазирлиги Консуллик-ҳуқуқий департаменти хорижий мамлакатларга боришни режалаштираётган Ўзбекистон фуқароларидан бегона шахсларнинг қалбаки тиббий маълумотнома ва бошқа ҳужжатларни тайёрлаб беришда “ёрдамлашиш” борасидаги таклифларига кўнмасликларини сўрайди. Шу билан бирга, чет элга сафарга чиқишдан олдин ўша мамлакатда жорий қилинган чеклов чоралари ва талаблар билан синчиклаб танишиб чиқишни тавсия этади.

Шарҳлар

Кун мавзуси: коронавирус
Об-ҳаво: Ташкент
+12° ясно
Валюта курси
10490.65
USD 12.79
12513.25
EUR -93.71
140.52
RUB -1.32