Аввал хабар берганимиздек, 2021 йил 20 январь куни соат тахминан 11:42 да Янги-Ангрен иссиқлик электр станциясининг профилактика чораларини кўриш учун тўхтатилган 5-энергия блокида чанг-кўмирли ҳаво аралашмасининг чақнаши содир бўлган.
Чақнаш натижасида келиб чиққан ёнғин оқибатида 3 нафар ишчи воқеа жойида вафот этган, яна 3 нафари турли даражадаги куйиш тан жароҳатлари билан шифохонага мурожаат қилишган.
Айни пайтда "darakchi.uz"га Бош прокуратура Матбуот хизматининг маълум қилишича, мазкур ҳолат юзасидан Ангрен шаҳар прокуратураси томонидан терговга қадар текширув ҳаракатлари олиб борилган.
Натижасига кўра, ЖКнинг 257-моддаси 2-қисми “а, б” бандлари билан жиноят иши қўзғатилган.
Тергов ҳаракатлари олиб борилмоқда.
