ФВВ Ахборот хизматининг дастлабки хабарига кўра, ҳодиса бугун, 4 январь куни соат 17:50 да Бухоро шаҳрининг Ислом Каримов кўчасида жойлашган қурилаётган 8 қаватли бинода содир бўлган. Дастлабки тахминларга кўра, кўп қаватли уйнинг учинчи қаватида газ-ҳаво аралашмаси чақнаши содир бўлган, натижада уч киши турли хил тан жароҳатлари олган. Ҳалок бўлганлар ҳақидаги маълумотлар ҳали хабар қилинмаган. Айни пайтда Фавқулодда вазиятлар вазирлиги ҳудудий бошқармаси қутқарувчилари фавқулодда вазиятда иш олиб боришмоқда.
"Янги маълумотлар пайдо бўлиши билан биз сизни расмий манбаларимиз орқали хабардор қиламиз", дейилади ФВВ хабарида.
