my5
Sevimli

Ўзбекистон Жаҳон банкининг “Статистика салоҳияти индекси”да 67- ўринга кўтарилди

ИҚТИСОДИЁТ 05.02.2021, 16:49
Теглар: Ўзбекистон, Жаҳон банки
Ўзбекистон Жаҳон банкининг “Статистика салоҳияти индекси”да 67- ўринга кўтарилди

Мамлакатларнинг миллий статистика тизимини ривожланганлик даражасини баҳолаб борадиган Жаҳон банкининг “Статистика салоҳияти индекси”да Ўзбекистон 67,8 балл билан 154 та давлат орасидан 67- ўринни эгаллади. Бу хақда  Давлат статистика қўмитаси Ахборот хизмати хабар берди.

Ўзбекистон Жаҳон банкининг “Статистика салоҳияти индекси”да 67- ўринга кўтарилди

Мазкур индекс мамлакатнинг статистик салоҳияти, эришаётган ютуқлари ва миллий статистика тизимини ривожлантириш борасида олиб бораётган ислоҳотлари натижаларини акс эттиради.

Ўзбекистон Республикаси илк бор мазкур индекс бўйича 2016 йилда баҳоланган бўлиб, 48,9 балл билан умумий 133-ўринни эгаллаган.

Ўзбекистоннинг 2020 йил якунида “Статистика салоҳияти индекси”да 67- ўринга кўтарилишида асосий омиллар:

Қўмита веб-сайтида 20 та бўлимда 279 та жадвал кўринишида 2 млн. дан зиёд статистик кўрсаткичлар тўплами ва метамаълумотлар эълон қилинмоқда. Шунингдек, асосий ўзгаришлардан бири қўмитанинг янгиланган веб-сайтида геоманзилли маълумотлар хизмати жорий этилди.

Халқаро валюта жамғармасининг кенгайтирилган Маълумотларни тарқатишнинг умумий тизимида 24 та йўналиш бўйича 422 турдаги Ўзбекистон Республикасининг макроиқтисодий, молиявий ва ижтимоий статистик кўрсаткичлар тўпламларини эълон қилиб борилиши йўлга қўйилди.

Давлат статистика қўмитаси томонидан БМТнинг Тараққиёт дастури билан ҳамкорликда Миллий Барқарор Ривожланиш мақсадларига эришишни мониторинг қилиш бўйича веб-сайт (nsdg.stat.uz) ишлаб чиқилиб, ўзбек, рус ва инглиз тилларида ишга туширилган.

Ҳозирги кунда, Ўзбекистон Республикасининг Очиқ маълумотлар порталида жами 10 мингдан ортиқ маълумотлар тўпламлари 3 тилда (ўзбек, рус ва инглиз тилларида) жойлаштирилган.

“Open data Inception” ташкилотининг маълумотига кўра, жаҳон мамлакатлари орасида Ўзбекистон 70 та очиқ маълумотлар манбалари билан очиқ маълумотлар манбалари сони бўйича жаҳонда 6-ўринни эгаллади.

Лондондаги Очиқ маълумотлар Институти (ODI) баҳолаш тизими бўйича Давлат статистика қўмитасининг расмий веб-сайти (stat.uz) энг юқори –"Платина" (PLATINUM) даражага эришган.

Бирлашган Миллатлар Ташкилотининг “Электрон ҳукумат кузатуви 2020”да “Очиқ давлат маълумотлари индекси” бўйича Ўзбекистон энг юқори (Very High OGDI) кўрсаткичига эга бўлган жаҳоннинг 41 та мамлакати орасидан жой олган. Жами ушбу индексда 193 та мамлакат баҳоланган ҳамда Ўзбекистон энг юқори балл тўплай олган.

Очиқ маълумотлар рейтингида (Open Data Inventory - ODIN) Ўзбекистон Республикаси 63 баллни тўплади ва рейтингда 125 та позицияга кўтарилиб, дунёда 44-ўринни, Марказий Осиёда эса
1-ўринни эгаллади.

Амалга оширилган ана шундай ишлар натижасида 2020 йил якуни бўйича мамлакатимиз Жаҳон банкининг “Статистика салоҳияти индекси”да максимал 100 баллдан 67,8 баллни қўлга киритиб, рейтингда 67 ўринни эгалламоқда.

Ўзбекистон рейтингда 2016 йил ҳисоботига нисбатан 66 поғонага, 2019 йил ҳисоботига нисбатан эса 15 поғонага кўтарилди.

2020-2025 йилларда статистикани ривожлантиришининг миллий стратегияси доирасида белгиланган чора-тадбирларни амалга ошириш орқали, Ўзбекистоннинг Жаҳон банкининг “Статистика салоҳияти индекси”даги кўрсаткичларини босқичма-босқич яхшилаб бориши режалаштирилган. Ўзбекистон 2025 келиб, 94 баллни қўлга киритган ҳолда рейтингда биринчи 10 таликка кириши кўзда тутилган.

Шарҳлар

Ўзбекистонда банк карталарининг чиқарилиш ва муомалада бўлиши бўйича янги тартиб жорий этилди

10.04.2021, 11:58

Марказий банк бошқаруви томонидан «Ўзбекистон Республикасининг Марказий банки тўғрисида»ги ҳамда «Тўловлар ва тўлов тизимлари тўғрисида»ги қонунларга мувофиқ, республика ҳудудида банк карталарининг чиқарилиши ва муомалада бўлиши...
Ўзбекистон ва Туркия савдо-иқтисодий ҳамкорликни мустаҳкамламоқда

10.04.2021, 11:35

Ўзбекистон бош вазири ўринбосари ва Туркия савдо вазири ўртасида икки томонлама савдо алоқаларини ривожлантириш бўйича учрашув бўлиб ўтди. Бу ҳақда Инвестициялар ва ташқи савдо вазирлиги...
Ўзбекистонда масжидлар сони жами 2088 тага етди

09.04.2021, 23:24

Ўзбекистонда масжидлар сони жами 2088 тага етди, дея хабар қилмоқда Дин ишлари бўйича қўмита матбуот хизмати.Маълум қилинишича, Сурхондарё вилояти Адлия бошқармаси томонидан «Эшонқулжон бобо» жоме масжиди...
Ўзбекистонда ўсимлик ёғининг нархи кескин ошгани сабаби маълум қилинди

09.04.2021, 22:37

Монополияга қарши курашиш қўмитаси ахборот хизмати Ўзбекистон бозорларида ўсимлик ёғи нархининг кескин кўтарилиб кетгани бўйича изоҳ берди.«Бозорларда нархлар кескин ўсишига, биринчи навбатда, жаҳон бозорларида нархлар...
Кун мавзуси: коронавирус
Об-ҳаво: Ташкент
+24° ясно
Валюта курси
10507.46
USD 10.47
12586.89
EUR 35.64
136.97
RUB -1.62