Қамаши тоғлари шифобахш гиёҳлар, табиий бойликлар ва турли ажойибатларга бой. Қизилқишлоқ қишлоғида яшовчи Зарифа Юсупова тоғнинг ана шундай ажойиботидан оқилона фойдаланиш йўлини топганлардан бири. Баланд тоғлардан тушиб келаётган сувнинг босимини юқорилиги сабаб, табиий равишдаги "автомойкалар" билан автомашиналарга хизмат кўрсатиб келмоқда. Бу ҳақда Қамаши туман ҳокимлиги расмий канали хабар бермоқда.
— 4 нафар фарзандим бор, қишлоқда иш топа олмагач, тоғдан келаётган юқори босимдаги сув билан автомашинларни ювишга киришганимга ҳам 4 йилдан ошди. Ҳозирда одамлар ўрганишди ва турмуш ўртоғим билан биргаликда автомашиналарга хизмат кўрсатаяпмиз. Оиламизга шу йўл билан даромад олиб келаяпмиз, дейди аёл.
Зарифа опани автомашиналарга ўзгача иштиёқ билан хизмат қилаётганини кузатиб, халқимизнинг "Излаган имкон топар" деган мақоли ёдингизга тушади.
