“Юксалиш” умуммиллий ҳаракати мутахассислари Ижтимоий ва иқтисодий ташаббуслар институти экспертлари билан ҳамкорликда давлат тузилмалари, муассасалари ҳамда йирик жамоат ташкилотларида фаолият юритаётган аёлларнинг рўйхати янгиланди.
Ўрганиш натижалари мамлакатда тузилмавий ва институционал ўзгаришлар давом эттирилаётганини, қонунчилик такомиллаштирилаётганини ҳамда аёлларнинг роли ва мавқеи, уларнинг сиёсий-ижтимоий ҳаётда фаоллиги ортаётганлигини кўрсатади.
Рўйхатни тузишда аёлларнинг фуқаролик жамиятидаги имиджи, улар ишлаётган ташкилотларнинг сиёсий кун тартибини шакллантириши, соҳаларни ривожлантириши ҳамда ижтимоий-иқтисодий ўзгаришларни амалга оширишга институционал таъсир даражаси инобатга олинди.
